منتديات بيت ساسى لتوثيق الشعرالشعبى


border=4

 
الرئيسيةالبوابةالأحداثالمنشوراتس .و .جاعلانات وتبادل اعلانىالتسجيلدخول

شاطر | 
تابعنا على مواقع التواصل الاجتماعى

 

 مرحبتين اهلا يامانتي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
.
.
avatar

تاريخ التسجيل تاريخ التسجيل : 02/07/2008
علم الدولة علم الدولة : ليبيا
المدينة : رباية الذايح
الجنس الجنس : ذكر
الهوايه : الشعر
الشكر 19


اوسمتى






مُساهمةموضوع: مرحبتين اهلا يامانتي   الإثنين 03 ديسمبر 2012, 11:23 pm


مجرودة للشاعر عبد الرحمن امغيب

مرحبتين اهلا يامانتي .. ياعزي في طول حياتي
يا مشكى فاهق عازاتي .. ياشوف المكروم العاتي
ياسمح المشيه والجيه .. ياسمح المشيه والسيره
يابنتن ف السن صغيره .. تشكر فيك جميع الجيره
يا بوعين تبان كبيره .. يا توصيف هميل الخيره
ياتوصيف هميل القاره .. يا شوف الكوت الحوكاره
ياكامل في كل شطاره .. لك مشيه لاعند الجاره
ضابط طالع من كليه .. ضابط طالع بين اجنوده
يامولى الجمه امحروده .. نحكوا لك عللي مقصوده .. وصفك ما يخلص باقيه
وصفك ما يخلص تمثيله .. يا بوعين تبان كحيله .. لك مشيه بالحيل جميله
لكن ياسمح الجلويله .. نحكولك ع اللي ف النيه
نحكو لك عن موح دياره .. لواي اطروفه الجرجاره
جوبه فات علي سياره .. لا ندكروزر يابانيه
لاند كروزر في صنعتا .. ف لقو عطوها غايتا
مكلوبه ساعة جفلتا .. من قبل تحرك مرشتا .. سرعتا ترقى للميه
سرعتا ترقى مجملها .. نمشي للبيضاء* نعدلها
نوزن سرعتا وعجلها .. واخرى شينقات انجيبلها .. واللاركي نوطيه اشويه
واللاركي يساوي القابينه .. ونوسع تنك البنزينه
كي نضمن قو تراكينه .. ياخذ زود علي بتيه
ياخذ بتيه وزياده .. سوبرمو بنزين العاده
وسكورطتين وسناده .. والزيت اطناشر حكيه
والزيت انكثريا ذراعي .. ناخذ بونتيني وشماعي
وفيوزي للضي الساعي .. يشعل ساعة لاهميه
يشعل في ساعة عازاتا .. لكن يا لاوي شالاته
وطن خلا درت حساباته .. خيك لم ادبيشاته .. دخان ومتعه واميه
خذنا دخان وسقدنا .. بزاف وتانا لمدنا .. ف الفايديه ما هودنا
لشنيشن تما مقصدنا .. فيها ناس اصحابن ليا
فيها ناس اسماح ملامه .. والكيش وخوته وعمامه
والله يسامح ليامه .. والجيران اللي قدامه .. عيت علي والحسنونيه
عيت الحسنوني وشعيب .. وعيت حمد ماداروا عيب
الله يسامح هالمحاجيب .. لجل الكيش بعيد السيه
لجل الكيش قليل اوجوده .. يا مولى الجمه امحروده
فيه القينا صبر وجوده .. ماقالوا كلمه منقوده .. كيف الراجل كي الوليه
كيف الراجل كي جيرانه .. قمنا يوم وهي تالانا .. واعدنا خبير وجانا
ثاني يوم بها لفينا .. غيّرت ازيوت المدعيه
غيّرت الزيت وصلينا .. وفواتح لله قرينا
والله ما صالح خلينا .. نا ومعاي رفاقا ليا
نا ومعاي نصيب جماعه .. ولعت الغبرا في ساعه
فاجت نلقنها فزاعه .. قيس الزراره البطيه
قيس الزراره يازينه .. بقّت بالخير وعدينا
ف الجشه مغرب صلينا .. ولكن فيسع ما لمينا .. ومقبل عدّت ف النيه
ومقبل عدّت طوالي .. لاقنا شطبان خوالي
جرت فيهن ريم الفالي .. وام ابهال اسماح الجيه
والمهم انا سقرنا .. ف شطيب والنار كبرنا
وقتن ف العداد خزرنا .. لاوين مسافه قطعنا .. قيس ثلاثين ع الميه
طيبنا شاهي ومشينا .. واخرى مقعدنا خلينا
والجدي يساره حطينا .. لا فوق صملنا ورقينا .. دوب الفجر معلم ضيه
دوب الفجر امعلم نوره .. بان بلاط يطمي طيفوره .. فيه قطا من ضمن اطيولاه
تم مغرب من نابوره .. قبل الشمس ادير صفوره .. جينا لحطايا شرقيه
جينا لحطايا وقعدنا .. وامنا كيف تباعدنا
في قيس الساعتين رقدنا .. نضنا في وقت اضحاويه
نضنا في العشره وفطرنا .. فيسع سقدنا ه وثرنا
شور الميخوذه برمنا .. زدتلها بنزين وميه
زدت البنزينه للجيده .. ناضت كي القطا الفريده
ماتوري يبكيك غريده .. ضبحتا عند التسقيده .. تشغل من فيه اسلاميه
تشغل من يقرا ف الليل .. الحاصل يابدور طويل
نظرت الغبرا بتشوكيل .. ودارت ريغان زناكيل .. وفيسع ما خشت صلبيه
فيسع ما خشت رقراقه .. وطن الخايف م البنداقه
كل نظر نتاوق ناقه .. تمشي في مشيه مرخيه
كل نظر نلقوا يا خاله .. عيت ام حوير و عنقاله
سود تقول عبيد بطاله .. داروا كوم حذا جنسيه
داروا كوم وما همتنا .. والبل ع الموضوع لهتنا
من قو غلاها شدتنا .. لكن وقتن ما لاقتنا .. رفعنا لافوق شويه
رفعنا جينا لديوره .. كي السراب ارضه مسحوره
مشية يوم يبانن قوره .. طقتني خوفه من شوره ..
صوبي دست ع المكسوره .. تم القز يخش عليا
تم القز اكوام احذايا .. خفنا وقلبنا المرايه
ونا ماني اسطى بكفايه .. لكن هي حمالة سيه
لكن حماله من غادي .. تقطع ف الرمل وف الوادي
.. نلقنها تنفع لبوادي .. ديمكا حاجتا مقضيه
ديما في رحلتا خيره .. خشت في ديوره وسريره
صلب اسود ما فيه خليقه .. لاحطبه لا بير اميه
لا حطبه لافيه خليقه .. فيت اللي تلعب ف الشيزه
بنت الجفاله الرشيقه .. هللي تشبه للشرقيه
تشبه لمناتي النظيفه .. لكن ما تعرف تخريفه
ريدي خير جميل الصيفه .. والريم رقيقه وخفيفه
وتطق الوجه اصفوريه .. والوجهه اتطقه نصفاره
ومعظّم فيه النزراره .. سيبك من رتاع القاره
نرجع بيكم للسياره .. ماتور يبكيك زفيه .. ماتور ايبكيك حنينه
في قيس المغرب طقينا .. سقرنا نين تعشينا
والجغبوب يبان علينا .. يادوب انراعوا في ضيه
ضيه حطيناه ايمينا .. قفزنا ع الحال مشينا
كيف القطران تخطينا .. تمت مشيتنا مرخيه
تمت مشيتنا بثباته .. فيسع مالشبردق جاتا
زريت الغبرا اهلباتا .. منقبل تجينا دوريه
عدت ما والي راعانا .. لا ليبي لامصري جانا
والضي مطفي يامنانا .. والسرعه في قيس الميه
والسرعه خفت انخففا .. يبقى شي واحد عارفا
ها الطريق لهم واصفا .. ونا مازلت اولي جيا
ونا مانيشي دارسا .. في لول نين نمالرسا
نبقى نازل فوق احلسا .. نين هلب درب السيويه
كيف طريق سيوه عدينا .. ولعنا الضي تهنينا
نجانا ربك ونجينا .. فرحانين اللي خشينا .. وطن اولاد علي لصليه
وطن اولاد علي لبوادي .. هاللي ف التنسيب سعادي
ماعنده ريبه من غادي .. والميته حاجه عاديه
والميته عاده متبوعه .. منهم ريبتنا مقطوعه
لكن سمعتم مسموعه .. خلي كلتنا في نوعه
لوطن داعيت الطبوعه .. واصبحنا قبلي الفرديه
واصبحنا في عز طربنا .. طيبنا الشاهي وركبنا
والضبعه ع الحال هلبنا .. ورمينا للشيخ تحيه
للشيخ تحيه عاطينا .. باب القطاره قبلينا
والعلمين حصل بحرينا .. من قبلي بن جابر جينا
قدام الحمام القينا .. شيخ كبير يبان ابضيه
زرناه وع الحال حدرنا .. جينا للوطن وموكرنا
ونسينا الغربه وجضرنا .. فرحانين بباب الجيه
فرحانين اللي راعيته .. ريدي مولى العين فليته .. نكذب كان انقول انسيته

[ندعوك للتسجيل في المنتدى أو التعريف بنفسك لمعاينة هذه الصورة]






[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://montada-sassi.montadarabi.com
 
مرحبتين اهلا يامانتي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بيت ساسى لتوثيق الشعرالشعبى :: 
منتديات الادب والشعرالشعبى
 :: ◄منتدى المجرودة والقذارة والترجز
-
انتقل الى: