منتديات بيت ساسى لتوثيق الشعرالشعبى


border=4

 
الرئيسيةالبوابةالأحداثالمنشوراتس .و .جاعلانات وتبادل اعلانىالتسجيلدخول

شاطر | 
تابعنا على مواقع التواصل الاجتماعى

 

  مسجات ليبية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
روزا
نائب المدير
نائب المدير
avatar

تاريخ التسجيل تاريخ التسجيل : 19/07/2009
علم الدولة علم الدولة : ليبيا
المدينة : ليبيا
الجنس الجنس : انثى
الهوايه : الشعر
الشكر 14



مُساهمةموضوع: مسجات ليبية   الإثنين 18 نوفمبر 2013, 2:31 pm



 مسجات ليبية


1.مازلت فيك نراجي .. ومازلت كامي لوعتك ونداجي مازال ليك معزة وموال صوبك ماقدرت نحزه

2. عمر البدن عالروح مايجزا بلاكم عيوني دموعها سياحة إجعنه غلاكم فيه مانترزا يلي في قلبي واخدين مساحة

3. إحنا ...اللي ذبنا غلا قبلك ...وياما رينا أن كنت ناوى ع الجفا قبلك...أحباب نسينا

4. اسمرعليك الملح محلي دمك وين تضحك يصب العسل من فمك محلي لونك جميل و زانك سواد عيونك خذيت دليل العقل ربي يصونك وحق من بدع زينك و صفي دمك محلي زولك الخاطر أدعالك يريد وصولك

5. اصعب شىء اتوالف عينك.على ماهو شاقى بيك واصعب شىء بنار حنينك..تشكى ما والى يواسيك اللى توده ما يوم ايودك ..واللى تغاليه ايغالى ندك ويقسى بالهجران عليك

8. اقرام محنه مالى طمع فى بير نروى منه حدود غايتى منك اقرام محنه

9. العشره هانت .......خاب ظني فيه ومع الايام النوايا ليا بانت وباش انكافي

10. العظم ينكسر وايعيب لكن يبرى إلا كسرة الخاطر مصيبة غبرة

11. الله لا يغيبك عن عيني حتى انكان بقسوتك ناسيني

12. الي يحبك تمسك بيه.......والي رماك ارميه........والزرع الي يحصده غيرك .....لا تتعب ولاتسقيه

13. اليوم من افراقك خاطري مكسور ويا ويل عيني من ابكاي وراك

14. طريق السلامه ليك وعهد ماننساك من هنا نين يتجوزصغير ضناك

15. إن ضيعت غالي تحبا نيتك تجيبه تجيبه تقطع عروق المحبة والغالي تجيبا سبيبه وان خانك غالي تحبا وكله لله وليه سيبه إدور بيه الدنيا وليك تجيبه تجيبه

16. أن غالتني أنغليك وان خنتني طريق السلامه ليك

17. ايجي يوم واتصلوا صلاة الغايب...علي قلب كاين في غلاكم ذايب...تصلوا صلاة جماعة...علي قلب تاعب كاثرات اوجاعه...وايام صوبكم هو ماتهنى ساعة...مجروح متليع ابغير سبايب..وايجي يوم واتصلوا.....اتصلوا صلاة نوافل ...علي قلب كاين في غلاكم غافل

18. كافيتني بالسية ظالم وحطيت الملام عليا الله يسامحك كافيتني بجمودك وقابلت حنين الغلا ببرودك

19. بين ايدك القلب رهنته وانت عذبته بعذابك تتنهد روحي مسكينه وانت زاهي جنب اصحابك

20. بينى وبينك ما تصير قطيعة نشرى رضاك وخاطرى ما نبيعه حب البشر لو تجمع جميعه غلاى لك اكبر واعظم من هالدنيا الوسيعة

21. تقولوا ملوا وين نبعدوا عنكم اتقولوا ملوا وين نقربوا يا احبابنــــــــا اتغلوا

22. جرح من الاحباب واعر طبه .. لكن اجروح الكارهين شفاء وجرح من صاحب قريب اتحبه ... ايطول ما ينفع معاه دواء واللى يجرحك يوعر عليك تسبه ... واللى يكرهك يوعر عليك دواه

23. حبيبي كنك؟؟؟مغيّب عليا ليش حبيبي كنك لا ريت زولك لا رسايل منك كنك قاسي؟مازلت وافى ليك وحبي صافيماأنت حبيب القلب وأغلى ناسي

24. حتي ماضيه سيب واصول السلام كيف يكون نساه وماني اللي عليه نغيب نفزع اوقات تهيالي طرواه

25. داريتها سالت خفا خانتني سبب دمعتي من اللي رحل فايتني..رحل من كيفه تبدل ربيعه صاف بان خريفه..انسيني وانا نيتي معاه نظيفه..بلا موجعه وهي اللي وجعتني.."

26. رجَيتَك نَيْن مشَطْت الشَّيْب اِن كان انْسِيتَك ما هي عَيْب.

27. رجيتك وطال رجاك وانسيتك وما نيتي ننسا

28. رد السلام علينا .. اخطينا معاك امغير يا غالينا .. حتى امجامله رد السلام علينا رد الــســـلام وســلـــم ...حتى انكـان تقـدر عالكـلام تكلـم سبيت المواجع يـا عزيـز اضلـم...جنـك وجيـت ودرتنـا مـا جينـا دزينـا دليـل الليـل ويـن اضلـم....انكان اتريد تضحك يا عزيز اشقينـا

29. زايد علينا بيش ياجارحنا......انسيت الغلا ننسوك حتى نحنا

30. كيف ماعرفتك ساهله ننساك ان كنك تصدق ريت .. يوما الى انت جيت جابت الدنيا واجدين معاك

31. شاور شيره مرات نعدرك ونقول فيها خيره انكانك نويت الهجر ..شاور شيره

32. شد مكانك.في يوم من الايام كان زمانك غلاك انسينا ...مرن ايام وع الفراق خذينا

33. غلاك مش زى كل الناس يسوى غلاء البيضاء وكثرت شجرها " غلاك في سرت مالقيتله قياس"" اكبر من بنغازي وأطيب من ثمرها " ولا لقيتلك بطرابلس لا حس ولا إحساس"ياسيدى فديتك بغلا ليبيا وعربها

34. غايــــــب زعم ويش السبب في غيابك ان كنا صحيح حبايــب حبيبك ايريد عتابــــــــــــــــك

35. في وين مانرمى الخطا فوق الوطا نلقاك فى خطواتى وفى وين مانشوف السما يزيد الغلا وتزهى معاك حياتى

36. فيه ناس تكرههم وما تبيهم ...وفيه ناس ما تصبر نهار عليهم

37. قول اشحالك ...ياعزيز ماظنى خطاء درنالك...حتى امجامله رحب وقول اشحالك سلامى رده...وان كالك عتب واتى علينا عدا

38. كانك جيت وجاباتك طريق رانى حى فى نفس المكان النيه راه كى لون الحليب وعهدك بى كى عهدك زمان

39. كل يوم نرجي فيك بتكلمني اتقول من ايوصي فيك ماترحمني كل يوم نرجي في رنه ولاني علي بالك قليل محنه

40. كلا كلا لا ندير غيره لا نجيب محله عزيز غالي علي كلا كلا

41. كنت انضنك ايضيق خاطرك لوغبت لحضه عنك كنت انضنك مااتصدق سهارى من حسود ايجنك

42. كنت ليا .. احبيب وغالي ما ادير سيه ناري كبرت في الجواجي حية .. وسبايب امراض العقل كله منك

43. كيف الأسلحة الذرية يهدم مساكن واجدة مبنية.. خطير صوبكم

44. كيف الصينى تضيق بلاك العين ياناسينى تميت كيف الصينى

45. كيف العادة مازلت للخاطر زها ميعاده غلاك نبع ماينزح ايزيد ازيادة

46. كيف تقول ناسيك انا الحلم نعاود كان مايكونش بيك

47. كيف مانشقابه ولاعاد انحقه بوعيون رغابه كيف ما نمشيله هللي جماله حرت في تمثيله

48. لا تهملني.حتى وظروفك واعرة جاملني،،أنت عزيز الروح. .لا تهملني

49. لاجيتك نشحت ولا نجده . غير قلبي حن ما قدرت انرده

50. ... وين جيتك هملتني ... كيف الغريب في جنبهم خلتنى ... لاسلمت لا رحت لا جيتنى .. مالقيت غير الجفاء والصداه انكان الغوالي في الوسع صدوني ... منهو اللي نلقاه وقت الشدة

51. لاهي نزوة _اخترتك رفيق عمري انريدك عزوة..........موش مصلحة وتمت موش انصابه_ولاهي علي بهرج حياه كذابه الناس عالوفا والصدق تزابا وماعمر يلتم الرفق والهزوة

52. لو كان بيدي ع الوطا ماتمشي عيني فراشك والغطا هو رمشي

53. اللى ترافقا تعرف جميع افعاله**وطول الطريق اتبين الرجاله

54. ما وجعنى صاحبى خلانى وجعنى غلا سنين فيه انعانى لا ما وجعنى هوا......وجعنى غلا سنين موشى توا....يا صاحبى صارت عليه الدوه .....بعد المحبه باعنى ورمانى....... مانك رخيص علينا غير الضروف معاكسه ولهينا ما زلت غالى يا عزيز علينا **ماتحلا الحياه وانت مش فيها...كل ماتمر دقايق اقول وين العسل اللي محليها...

55. مـــــــر قربكم مصعب امرار جفاكم ومنكم تعبنا وتاعبين بلاكــــــــــــــم

56. مرات الظروف وقسوة الحرمان يرمنك عللي مر ماهو ضايق واجد اللي ضحك وهو زعلان وفيه نار لو تطلع أدير حرايق مره ياليالي العاشقين مره وامر من العلقم الف مره ومره انا لو نضحك نعود نبكي ولو نبكي نملي الف جره وجره ولو نشاكيك يصاحبي بالنار مشكاي لك بروحها مره.

57. مريضه وماني مريضه**ولاني سليمة جواجي والقلب بالهم مليان وفي رحمة المولى نراجي مريضه وماني مريضه..........مريضه ومشغول بالي وضحكة طرب ممنوع................لين ترجعو ياغوالي

58. من قال بعيد ع العين هين ع الخاطر وهو كل مابعد ع العين يخلي دمعها تتقاطر ظني بيه ملاك لقيته حسبها معاي حسبة شاطر متغذي ومتعشي وبيا فاطر ونا بامره كنه يمين عليا ساطر

59. نحسابك تلين تتذكرني نلقاك قاسي وناسي و في الغلا هاجرني كنت نظنك انا نشغلك وين نختفي يطول غيابي عنك يجوني جواباتك يقولوا وينك وين الله يا غلا ما احنك

60. نراجو فيك ياغايب أتجينا بعدك طال طولت الغياب علينا

61. هبي هبي يانسمات تعالي لبي شيلي مركبنا مرساه منازل حبي هبي هبي شيلينا للي ناسينا نمشوله حتى ونكان عايب ريدي فينا لاجن من يومن ما غاب علينا تمينا في حاله شينا....ما يعلم بيه الا ربي

62. يا دمعه عيني حراقه ..منهاله من طول افراقه

63. يا طير سلملى على غاليا سلاما يرد الروح ترجع ليا

64. يـاعـزيــز أمـنــيــن؟؟ بلاك مالقينـا صبـر ناوالعيـن وانت القيته كــيـــف انــســيــت؟وقول ياعزيز الصبر وين القيـت وكـيـف لاتنـشـد ولاحنـيـت

65. يانك عليه اقدرت وبعت غلاى بدون ماشاورت .... وجافيتنى

66. يمكن ويمكن لا الا البخت ما عليه اعبا اعزاز يقسموا يمكن ويمكن لا

67. يا ظالمها ليش والنبي من رسايلك حارمها تسلم عليك العين ياظالمها

68. يا نا اللى فيا تمكن فيا حبه كيف من مريض بشين واعر طبه

69. يا ناس وين اندسه ..يجدد وفى وسط الكنين انحسه
:مع السلامة: 






[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.montada-sassi.montadarabi.com
روزا
نائب المدير
نائب المدير
avatar

تاريخ التسجيل تاريخ التسجيل : 19/07/2009
علم الدولة علم الدولة : ليبيا
المدينة : ليبيا
الجنس الجنس : انثى
الهوايه : الشعر
الشكر 14



مُساهمةموضوع: رد: مسجات ليبية   السبت 13 فبراير 2016, 2:08 am

[ندعوك للتسجيل في المنتدى أو التعريف بنفسك لمعاينة هذه الصورة]

نوصيك يابحر خلك حنون عليها ...
واطى طفيرك دير مايرضيها
لاتتعبها ...
واطى امواجك وين ماتقربها
وخلك حنون الغاليه روفبها ...
ولا ادير حاجه يابحر تاذيها
جاتك اتغير جو لاتتعبها ...
جميع مايريح بالها وريها
خلى ارياحك هاديه رطبها ...
وخفض املاحك يابحر حليها
راهى انسامك يابحر تعجبها ...
خلى انسامك كيف ماتبها
ولا ادير حاجه يابحر ترعبها ...
راهى حنونه بحنها كافيها







[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل روزا في السبت 13 فبراير 2016, 2:10 am عدل 1 مرات
الرجوع الى أعلى الصفحة اذهب الى الأسفل
http://www.montada-sassi.montadarabi.com
روزا
نائب المدير
نائب المدير
avatar

تاريخ التسجيل تاريخ التسجيل : 19/07/2009
علم الدولة علم الدولة : ليبيا
المدينة : ليبيا
الجنس الجنس : انثى
الهوايه : الشعر
الشكر 14



مُساهمةموضوع: رد: مسجات ليبية   السبت 13 فبراير 2016, 2:09 am


[ندعوك للتسجيل في المنتدى أو التعريف بنفسك لمعاينة هذه الصورة]



ﺗﺒﺎﻋﺪ ﻋﺰﻳﺰ ﺍﻟﻴﻮﻡ ﺷﺎﻝ ﺭﺣﻴﻠﻪ ،
ﺗﻨﺎﺳﻲ ﻏﻼﻳﺎ ﺑﻴﻦ ﻳﻮﻡ ﻭﻟﻴﻠﻪ ،
ﻓﻚ ﺇﺧﻴﺎﻣﻪ ،
ﻭﺧﻠﻲ ﺍﻟﺨﺎﻃﺮ ﺿﺎﻳﻘﺎﺕ ﺃﻋﻼﻣﻪ
، ﻻ ﻧﺎ ﺃﻧﻠﻮﻣﻪ ﻻ ﺇﺗﻔﻴﺪ ﻣﻼﻣﻪ
، ﻏﻴﺮ ﻛﻞ ﺷﻲ ﻣﻜﺘﻮﺏ ﺑﻤﻮﺍﺟﻴﻠﻪ،
ﻃﻔﻴﺖ ﻧﺎﺭﻩ
، ﻭتباﻋﺪ ﺭﺣﻴﻠﻪ ﻉ ﺍﻟﻌﻴﻮﻥ ﺗﻮﺍﺭﻩ
، ﻭﺧﻠﻲ ﺍﻟﺨﺎﻃﺮ ﺣﺎﻳﺴﺎﺕ ﺃﻓﻜﺎﺭﻩ
، ﻣﺎﻋﺎﺩ ﻳﻘﺪﺭ ﻉ ﺍﻟﻐﻼ ﻳﺤﻜﻴﻠﻪ ،
ﻧﺘﺶ ﺍﻟﻌﺮﻭﻕ
، ﻻ ﻋﺎﺩ ﻳﺼﻔﻲ ﻻ ﻧﻬﺎﺭ ﺇﻳﺮﻭﻕ ،
ﻣﺎﻣﻦ ﻏﻼ ﻭﺍﺟﺪ ﺑﻘﻴﺊ ﻣﻌﺰﻭﻕ ،
ﻗﺪﺍﻡ ﻋﻴﻨﻚ ﻛﻴﻒ ﻗﻴﺲ ﻭﻟﻴﻠﻲ







[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.montada-sassi.montadarabi.com
روزا
نائب المدير
نائب المدير
avatar

تاريخ التسجيل تاريخ التسجيل : 19/07/2009
علم الدولة علم الدولة : ليبيا
المدينة : ليبيا
الجنس الجنس : انثى
الهوايه : الشعر
الشكر 14



مُساهمةموضوع: رد: مسجات ليبية   السبت 13 فبراير 2016, 8:35 pm


ناديتة من بين الشلة ...قال نعم ياروحى كله

الي قهرني صاحب صوب ...هلبني ولقيته مهلوب

من دون الناس مانطيق غيابك..أنت النفس للروح ديرحسابك

حبل الموده امعاك نربطه ونشده..وكان انقطع بعروقي نوصله ونرده

إمرايف عليك ارياف نادرنوعه..امخلط غلا ودموع فوق اللوعه

ضايق علمي..وين ماانغفي ننظره في حلمي خلاني عزيز انحوس ضايق علمي

[size=32]عليك ننشدو بلحيل ياوحشنا راهو غيابك شين ومغششنا

مانك قدي صقع عليك .... ارحل عدي مانبيك

شوف بنغازي يا محًلاها ..بصوت ضناها .. تبنى العز وتنسى داها

العين ما تنام الليل مع جروح لولاف سامرة

ياشيبانى , خليت قلبى فى هواك ايعانى , انحبك ونفخر بيك ياشيبانى

الدنيه موس امسنن لضهر الي احوس...بلا كابوس عقلك في راسك ماتحوس

درت جديد كبير في عيني ... ماعاد قديم يبكيني

بيت غلاي خيوطه فضه يصعب عا يريد يقضه

فوق جنوني جنون نزيده ..... وين يقول نعم ياكبيدة

تفنى الدنيا وما نفعلها....ننسى وحدة و انردلها

[/size]

تفنى الدنيا وما نفعلها....ننسى وحدة و انردلها


عطشان خاطري ما هو عطش أميه عطش غالي بعيد عليا

ياسعد من عنده صاحب إيحبه، وين يعثر قبل الطياح إيشده،
وين يبكي يمسح الدموع من خده،إيموت ولا إيجي يوم ضده

كان ماصار نصيب معاهم بنتي نعطيها لضناهم

اضحك كبر زيد عطيهمـْ ،،، بلادي حرة صقع عليهمـْ ،،، ♥



خان غلاي وقسمي لطه...خنجر بين اضلوعي حطه

ياجياب نبا فرقاهم...ياريتك عديت معاهم


يا جياب نبا الغوالي....ياريتك ما قلت الوالي


هداهدود الي خبرها .....جاب نبا العزيز قهرها

نا والعين شقانا زايد ....ترقيع البايد بل البايد

الحوش الي قالو ما انجيه....ما اندير اعويله الافيه


الخاطر طول الليل ايجض ....وهلنا يحسابوه مرض

الخاطر من قلة .....يكبر في نار على نار

صباره عيني ما اسمحها...حتى كان عزيز جرحها

نهونى عقالي مابيت....بروحي عا النار اداعيت

عينى سالت يوم خطاهم.... وانعميت ساعة فرقاهم

عزيز بعد ما دار خطاه...توازت بدري نا واياه

عندى عين اشكا ما تشكي ...لكن وين اترايف تبكي

من خونه لولاف او جاي....انخلط في نومى با ابكاي

ياعيني عا الدار حلفتي...لكن جروك وخالفتي

عندي في لوهام دسايس...كيف انجيهن نقعد حايس

وين انقول خلاص ارتحنا ... يخطر زول اللى جارحنا

زولك خطر ناس اقدم .... زها ما لنا غير بهم

كان على صوبى لايمتى ...ماعندى حاجة غير انت

كان خطر ماني قايل لك...ابكى نين اتفشي غلك

فوق ارموش العين مكانك ...بيدك خفيته ميزانك

الي ما قاس النار ايقول...امغير اصبر شده وتزول

سيل الياس خذاناسرقه....لا غيم لا شكع برقه


نطلق في الفسوخ بروحى انطير في العين علي روحى


اترك صوب قديم وهمه .. دير جديد واحرقله دمه

بإدن الله جديدي شاطر يمحى كل جروح الخاطر

شن داير ياغالي فينا......تغلا والناس امنسينا

صوب اقديم اعزقني عزق ....ما يحسابه الحي برزقه


قديم دفني قبل انمووووت ...جديد جبدني من التابوت


[size=32]يقلب في كبدي تقليب .. اريافك يالعزيز عجيب
كملتي ياكبدي تشليح .. علي كانون مقابل ريح
كبدي يسحن فيها ارياف .. علي قعده معايا الاولاف

عزيز على نيران الشوق...يقلب فى كبدى ويضوق
الكبد واعره من قبل موش حاجه اجديده..وانا ياغزال دايره عليك اكبيده

[/size]
[size=32][size=32]كبي كب الدمع اوجضي *** غاب الي ايزعل ويرضي
بالدمعة عيني بدادة ***لكن ما تقضى لى حاجة.
الدمع ماقضى حاجات***ايزيدك ارياف وتنعمي.
دمعي عالولاف تقوا***ليلة غربي ليلة نوا .
ايخطّر كل مكان علي ***عزيز و نبكي فيه اشوي.
وادي في وادي في وادي ... دمعي يوم فراق امرادي.
من الياسات امحصل خبرة***انخلط في دمعي بالعبرة .
دمع العين
الي سكباته *** ايغرق جيش ابدباباتا.
انضاري مليانات دموع ***وعقلي عنده مية نوع .
عيني على الدمعه الكذابه *** جابت للخاطر غيابه.
[/size]
[/size]
[size=32][size=32]بكره وبعد بكره واليوم وأمس عندي غلاكم كيف نور الشمس موحال ينتسي
===
. مافيش يوم انسيتكم ناوين وانتم وين @ ديماعليا تخطروافي كل رمشةعين@‏
= = =
يلى حنون كلامك الشمس والقمر والنجم جن قدامك طفيت نورهن
===
الانظارماعليهن لوم أرقاق عزم يابال رايفن
===
§تنسيهم أيجوك منام §أعزاز فرض ياعين يخطرو §
===
ندفن حسه ونقطع عروقه ونقتله وندسه قلبي انكان نساكم
===
حاير دليلي فيكم لاقدرت نبعد ولاقدرت انجيكم .شاغلين خاطري
===
دونك الها سكتها ... تبكي ونا ماني سبب بكيتها ... العين حايسه
===
رماني عليك أرياف مجبور جبر يادار جايك
===
ياللي اعزاز علينا بلاكم ايحوس عقل في تخمينه كيف حالكم
===
ناس ننساهم وناس اندورهم ونلقاهم وناس نهواهم وانت والله اغلاهم
===
اياما فيك عزيز ؟ مسمح عليك يادار برمتي

عندك علم مانحمل بلاك/اوعندك علم ماغيرك انريد/ اوعندك علم ياغالي غلاك تما كل ما يقدم ايزيد/عندك علم ناهو اللي حذاك حتي انكنت ياغالي بعيد
===
اصحاب ينشدوا واصحاب ننشد عنهم واصحاب غيبوا واصحاب ناراكنهم اصحاب
===

راكم غوالي وخاطري شاريكم.....انموت بالزعل لوكان مانرظيكم
===

أنت الغلا كله وأنت السؤال الصعب وأنت حله. وأنت خيال الروح وأنت ضله .

وأنت عزيز للقلب وأنت خله. وأنت سواد العين والبياض كله.
وأنت وأنت وأنت سرقت العقل والفكر كله ...وأنت حبي
===
حاير دليلي فيكم لاقدرت نبعد ولاقدرت انجيكم .شاغلين خاطري
===
تريد تشوفك خذيت ذنبها والذنب فوق اكتوفك العين رايفت واجد
===
.
الصاحب:الصاحب علي الصاحب النشده واجبو العين ما تحمل فراق الحاجب...

الصاحب وده:يبقى أقريب كيف خوك أتعده وقت الزعل
أيهون عليك الشده وساعة الهنا تلقاه قبلك طارب
===
لو ما علي أتعز ! لا بيك نشقا ولا سلام اندز -

ولا أندورك لو ما غلاك امجور لا بيك نشقا ;
ولا عليك اندور انعزك معزه فوق ما تصور !! يكمل العمر وانا ابها معتز
[/size]
[/size]

[size=32][size=32][size=32][size=18][size=32][size=18]جضت من منشااب لذعها..حتى الاطرش نين سمعها
علي ما لذعتي يا ناار.... لقيتي هالخاطر صبااار
ياما دارت ناار الغالي....لكن نا حسي مو عاالي
هب انسووم الناار تعلت ...والناس اللي اتطفي ملت
اهزيت علي منشااب عطيب...واليوم قعد ناار لهاليب
وااطي عالنار اللي جت ...عقلي صابر نين هفت
واقضلك يانار غلاهم.... لكن داير روحي واهم
نااار بلا وقايه شاايل..لكن عالانظار نحايل
[/size][/size][/size][/size][/size]
[/size]






[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://www.montada-sassi.montadarabi.com
 
مسجات ليبية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بيت ساسى لتوثيق الشعرالشعبى :: 
منتديات الادب والشعرالشعبى
 :: ◄منتدى مسجات الهاتف المحمول
-
انتقل الى: