منتديات بيت ساسى لتوثيق الشعرالشعبى


border=4

 
الرئيسيةالبوابةالأحداثالمنشوراتس .و .جاعلانات وتبادل اعلانىالتسجيلدخول

شاطر | 
تابعنا على مواقع التواصل الاجتماعى

 

 مجرودة ( ﻣﺮﺣﺐ ﻳﺎ ﺑﻮ ﻋﻴﻦ ﻓﻠﻴﺘﺔ )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابوالقوافى
مشرف
مشرف
avatar

تاريخ التسجيل تاريخ التسجيل : 11/09/2008
علم الدولة علم الدولة : ليبيا
المدينة : ليبيا
الجنس الجنس : ذكر
الشكر 4


مُساهمةموضوع: مجرودة ( ﻣﺮﺣﺐ ﻳﺎ ﺑﻮ ﻋﻴﻦ ﻓﻠﻴﺘﺔ )   الثلاثاء 19 نوفمبر 2013, 1:36 pm

مجرودة ( ﻣﺮﺣﺐ ﻳﺎ ﺑﻮ ﻋﻴﻦ ﻓﻠﻴﺘﺔ )

ﻋﺒﺪﺍﻟﺴﻼﻡ ﺑﻮﺟﻼﻭﻱ ﻣﺮﺣﺐ ﻳﺎ ﺑﻮ ﻋﻴﻦ ﻓﻠﻴﺘﺔ ((ﻣﺠﺮﻭﺩﺓ ﻛﺘﺒﺖ ﺳﻨﺔ 1981

ﻣَﺮْﺣﺐ ﻳﺎ ﺑُﻮﻋﻴﻦ ﻓﻠﻴﺘﺔ
ﻋﻘﻠﻲ ﺑﻘْﺪﻭﻣﻚ ﺣﺎﻳﻴﺘﻪ
ﻣﺘْﻐَﻠّﺐ ﺷﺎﺭﻑ ﻉَ ﺍﻟﻤﻴﺘﺔ
ﺣَﻦّ ﺍﻟﻠﻪ ﻋﻠﻴﻪ ﻭْﺟِﻴﺘﻪ
ﺭﺩَّﺕ ﻓﻴﻪ ﺍﻟﺮﻭﺡ ﻭْﻋﺎﺵ
* * *
ﺭﺩﺕ ﻓﻴﻪ ﺍﻟﺮﻭﺡ ﺗﺤﺎﻳﻰَ
ﻟﻮ ﻛﺎﻥ ﺗْﺪﻭﻡ ﺍﻟﺴّﻬﺮﺍﻳﺔ
ﻣﺮّﺍﺕ ﺗْﺪﺍﻭﻱ ﻟﻲ ﺩﺍﻳﺎ
ﻫﺎ ﺍﻟﻠﻲ ﻳﺎ ﺷﻮﻑ ﺍﻟﺤﻤّﺎﻳﺔ
ﻛﺎﻳﺪ ﻣﻦ ﻏﻴﺮ ﺍﻟﻜَﻮّﺍﻳﺔ
ﻣِﻴّﺔ ﺑﻨﺪﺍﺭ ﻭْﺷَﻠﻮﺍﺵ
* * *
ﻣِﻴّﺔ ﺑﻨﺪﺍﺭ ﻭْﺑَﺮّﺍﺟﺔ
ﺗﻌْﺒﻮﺍ ﻣﺎ ﺩﺍﺭﻭﺍ ﻟﻲ ﺣﺎﺟﺔ
ﻭﺍﻧْﺖ ﺍﻥْ ﻛﺎﻥ ﻟْﻘﻴﺖ ﻋﻼﺟﻪ
ﻧﻘْﻌﺪ ﻳﺎ ﻣﻜﺤﻮﻝ ﺣﺠﺎﺟﻪ
ﻟﺰْﻭَﻳﻠَﻚ ﺧﺪّﻳﻢ ﺑﻼﺵ
* * *
ﺧﺪّﻳﻢ ﻟْﺰﻭﻟَﻚ ﻭﻧْﻘﻴﻤﻪ
ﺷﻐْﻠﻚ ﻳﺎ ﺳﻤْﺢ ﺍﻟﺘّﺒﺴﻴﻤﻴﺔ
ﻧﻮﻫﺐ ﻟﻚ ﺭﻭﺣﻲ ﻻﺩﻳﻤﺎ
ﻣﻄّﻮّﻉ ﻣﻦ ﻏﻴﺮ ﻣﻌﺎﺵ
* * *
ﻣﻄّﻮّﻉ ﻣﻦ ﻏﻴﺮ ﻣﻬِﻴّﺔ
ﻧﺨْﺪﻡ ﻓﻲ ﺯﻭﻟﻚ ﻳﺎ ﺑْﻨَﻴّﺔ
ﻧﺮْﺩ ﻧْﺠﻴﺐ ﺍﺯﻳﺎﺭ ﻣْﻮﻳﺔ
ﻭﻧْﺮَﻭّﺡ ﺟﺎﻳﺐ ﻓﻲ ﺍﻟﺠﻴﺔ
ﻓﻴﺪﻱ ﻋﻨﻘﺎﻟﺔ ﻗَﺸﻮﺍﺵ
* * *
ﻭﻧْﺮَﻭّﺡ ﺟﺎﻳﺐ ﻋﻨﻘﺎﻟﺔ
ﻧْﺨﺪﻡ ﻓﻲ ﻣَﺒﺮﻭﻡ ﺧَﺠﺎﻟﻪ
ﻗﺒﻞ ﻳْﺠﻴﻪ ﻃﻌﺎﻡ ﻭْﻛﺎﻟﻪ
ﻧﺎﺗﻴﻪ ﺑْﻤَﻨْﺸَﻒ ﻭﻏْﺴﺎﻟﺔ
ﻭﻧْﺸَﻮﻫﻲ ﻭﻧْﻀﻢّ ﺍﻟﻌﺎﻟﺔ
ﻗﺒﻞ ﺍﻟﻨّﻮﻡ ﻧْﺠﻲ ﺑْﻌَﺠﺎﻟﺔ
ﻧَﻤْﺴﺢ ﻭﻧْﻮﺍﺳﻲ ﻟﻔْﺮﺍﺵ
* * *
ﻧَﻤْﺴﺢ ﻓﻲ ﻭﺍﻥ ﺍﻟﺘّﺮﻗﻴﺪﺓ
ﻣَﺮْﻗَﺪ ﻣﻮﻝ ﺍﻟﺪّﻣﻠﺞ ﻓﻴﺪﻩ
ﻭﻟْﻨَﻔْﺴﻲ ﻣﺎ ﺷَﻲّ ﻧْﺮﻳﺪﻩ
ﻻ ﺗﻔْﺮﻳﺶ ﻭْﻻ ﺗﻮﺳﻴﺪﺓ
ﻧﻄَّﻮَّﺡ ﻓﻮﻕ ﺍﻟﺠﺮﻣﺎﺵ
* * *
ﻧﻄّﻮّﺡ ﻓﻮﻕ ﺍﻟﺒﺮْﻗﺎﻳﺔ
ﻻ ﺗﻔْﺮﻳﺶ ﻭْﻻ ﺗﻐﻄﺎﻳﺔ
ﻭﺍﻟﺒﻴﺖ ﻧﻘﻮﻡ ﺑﺘﺮﺧﺎﻳﺔ
ﻓﻲ ﺍﻟﻠﻴﻞ ﺍﻥ ﺟﺎﻧﺎ ﺭَﺷْﺮﺍﺵ
* * *
* * *
ﻉَ ﺍﻟﺒﻴﺖ ﻣْﻊَ ﻛﻞّ ﺟﻼﻭﻱ
ﻧﺒﺮﻡ ﻛﻴﻒ ﻧْﺤﻖّ ﻓﺠﺎﻭﻱ
ﻭﻧْﺰﻳﺪ ﺭْﻭﺍﻗﻪ ﺑْﺮﺳﺎﻭﻱ
ﺧﺎﻳﻒ ﻳﺎ ﺑﻮ ﺩﻭﺭ ﺛﻨﺎﻭﻱ
ﺗﺼْﻠﻚ ﺭﻳﺢ ﻣْﻊَ ﻧﺸّﺎﺵ
* * *
ﺗﺼﻠﻚ ﺭﻳﺢ ﺗﻜﻮﻥ ﺷﺪﻳﺪﺓ
ﺗﻮﻋَﻰ ﻳﺎ ﺳﻤﺢ ﺍﻟﺘﻬﻤﻴﺪﺓ
ﻧﺎ ﻣﺎ ﻧﺒﻲ ﻟﻚ ﺗﻨﻜﻴﺪﺓ
ﺣﺘﻰّ ﻓﻲ ﻭﺍﻥ ﺍﻟﺘّﺴﻘﻴﺪﺓ
ﻣﻦ ﻳﺎﻻﻙ ﺍﻟﺸّﻐْﻞ ﻧﺮﻳﺪﻩ
ﻧﺴﺤﺐ ﻭﻳﺤﻴﺪﺓ ﻭﻳﺤﻴﺪﺓ
ﺭﻭﺣﻲ ﻧﺴْﺮﻗﻬﺎ ﺑﺸﻮﺍﺵ
* * *
ﺭﻭﺣﻲ ﻧﺴﺮﻗﻬﺎ ﺑْﺴﻬﻮﻟﺔ
ﻣﻦ ﺧﻮﻑ ﺗﺨﺎﻓﻲ ﻡ ﺍﻟﻐﻮﻟﺔ
ﻓﻲ ﺍﻟﻠﻴﻞ ﺗْﻨﻮﺿﻲ ﻣَﺸْﻐﻮﻟﺔ
ﻧﺮﻋﻰَ ﻓﻴﻚ ﺍﻟﻠﻴﻞ ﺑﻄﻮﻟﻪ
ﻭﺍﻥ ﻛﺎﻥ ﺟﻀَﺮﺗﻲ ﺩﺭﺩﺍﺵ
* * *
ﻭﺍﻥ ﻛﺎﻥ ﺟﻀﺮﺗﻲ ﻗﻮﻟﻲ ﻟﻲ
ﻟﻚ ﻧﻨﻬﺎﻝ ﺑﻄﻮﻟﺔ ﻟﻴﻠﻲ
ﻧﻴﻦ ﻧْﺴﻠّﻴﻚ ﺑﺘﻤﺜﻴﻠﻲ
ﺗﺰﻫﻲ ﻣﺎ ﺗﺮﺿﻲ ﺑّﺪﻳﻠﻲ
ﻻ ﻧﻄﻠﺐ ﺧﻠﻴﺎﻥ ﺳﺒﻴﻠﻲ
ﻣَﺸْﺮﻱ ﻭﺍﺧﺬ ﺣﻘﻲ ﻛﺎﺵ
* * *
ﻣﺸﺮﻱ ﺣﻘﻲ ﻛﺎﺵ ﻋﻄﻴﺘﻲ
ﺩﺍﻱ ﺑﻌﻼﺟﻚ ﺩﺍﻭﻳﺘﻲ
ﻣﻨﻚ ﻣﺎ ﻧﻄﻠﺐ ﺣﺮﻳﺘﻲ
ﺣﻄﻲ ﻓﻲ ﺧﺪﻱ ﺍﻥ ﺑﻐﻴﺘﻲ
ﺑﺎﻣﻮﺍﺳﻚ ﻣِﻴّﺔ ﻭﺣْﺪﺍﺵ
* * *
ﺑﺎﻣﻮﺍﺳﻚ ﺩﻳﺮﻱ ﻟﻲ ﻣﺎﺭﺓ
ﺭﻗﻢ ﺍﺣْﺪﺍﺵ ﻭْﺧَﻂّ ﺟْﻮﺍﺭﻩ
ﻓﻲ ﺍﻟﺨﺪ ﺍﻟﻴﻤﻨﻰ ﻭﻳْﺴﺎﺭﻩ
ﻭﺍﻟﻠﻪ ﻳﺎ ﺳﺎﻓﻲ ﺟﺮﺟﺎﺭﻩ
ﻣﺎ ﻧﻚ ﻟﻠﺼﺎﺣﺐ ﺧَﺒّﺎﺵ
* * *
ﺷﺎﻛﻴﻨﺎﻙ ﻭﺭﺩ ﻋﻠﻴﻨﺎ
ﺑﻜﺮﻩ ﺑﺠﻮﺍﺑﻚ ﻭﺍﻓﻴﻨﺎ
ﺧﺶ ﻋﻠﻰ ﺩﺍﻧﺎ ﺩﻭﺍﻳﻨﺎ
ﻭﺍﻟﻠﻪ ﻳﺎ ﺯﻭّﺍﻕ ﺟﺒﻴﻨﻪ
ﺭﺩ ﺑﻘﻮﻟﺔ ﻣﺎﻧﻲ ﺧﺎﺵ
* * *
ﺭﺩ ﺑﻘﻮﻟﺔ ﻣﺎ ﻧﻲ ﺻﺎﻳﺪ
ﻭﺍﻟﻠﻪ ﻓﻲ ﻋﻼﺟﻚ ﻛﺎﻳﺪ
ﻣﺰﻣﻦ ﺩﺍﻱ ﻭﻟﻜﻦ ﺯﺍﻳﺪ
ﻣﻄّﻮّﺭ ﻓﻲ ﻫﺎ ﺍﻟﺠﺪﺍﻳﺪ
ﺣﺘﻰ ﺭﺍﻳﻚ ﻓﻴﻪ ﻓﻮﺍﻳﺪ
ﻳﺒﺮَﻯ ﻭﺍﻟﻠﻪ ﻣﺎ ﻳﺒﺮﺍﺵ
* * *
ﻳﺒﺮﻯ ﻭﺍﻟﻠﻪ ﻣﺎ ﻧﺸﻘﺎﺑﻪ
ﺿﻨّﻚ ﻳﺎ ﺷﻮﻑ ﺍﻟﻠﻌّﺎﺑﺔ
ﻛﻞ ﺳﻮﺍﻝ ﻧﺮﻳﺪ ﺟﻮﺍﺑﻪ
ﻭﻧﺰﻳﺪ ﻧْﻮَﺭّﻳﻚ ﺍﺳﺒﺎﺑﻪ
ﻣﻦ ﺭﺍﻱ ﺍﻧﻈﺎﺭﻱ ﻟﻤﻨﺎﺵ
* * *
ﻣﻦ ﺭﺍﻱ ﺍﻧﻈﺎﺭﻱ ﻧَﻠْﻘَﻨّﻪ
ﻣَﺸﻜﺎﻱ ﺍﻟﻠﻲ ﻧﺸﻜﻲ ﻣﻨّﻪ
ﺣﺘﻰ ﻛﻲ ﻣﺸﺮﺍﺏ ﻧﻮَﻧَّﻪ
ﻣَﻠْﻮﻳﺎﺕ ﺿﻤﺎﻳﺎ ﺟَﻨّﻪ
ﻟﻘْﻴَﻦ ﻓﻲ ﻣﻌﻄﺎﻧﻪ ﺿَﻨّﺔ
ﺭﺩَّﻥ ﻣﻦ ﻗﺒﻞ ﻳْﻀُﻮﻗَﻨّﻪ
ﻭﺍﺻّﺎﺑَﻦ ﻫﺎﻧﺎﻙ ﻋْﻄﺎﺵ
* * *
ﻭﺍﺻّﺎﺑﻦ ﻫﺎﻧﺎﻙ ﻗﺒﺎﻟﺔ
ﻣﻠﺰﻭﻣﺎﺕ ﺑﻼ ﺭﺳّﺎﻟﺔ
ﻣﺎ ﺿﺎﻗﻦ ﻡ ﺍﻟﺤﻮﺽ ﺑْﻼﻟﺔ
ﻟﻠﺠﺮﺓ ﻣﺎ ﻫﻦ ﻗﺒﺎﻟﺔ
ﺩﻳﻤﺎ ﻣﺪﻓﻮﻋﺎﺕ ﺯﻋﺎﻟﺔ
ﻓﻲ ﻏﻴﺮ ﺍﻟﺼِّﻴﺒﺔ ﻃﻴﺎﺵ
* * *
ﻣﺪﻓﻮﻋﺎﺕ ﻟْﻐﻴﺮ ﺍﻟﺼّﻴﺒﺔ
ﻧﺎ ﻣَﺸﻜﺎﻱ ﺍﻟﻠﻲ ﻧﺸﻜﻲ ﺑَﻪ
ﻣﺘﺨَﻠّﻒ ﻳﺎ ﺷﻮﻑ ﺍﻟﺪﻳﺒﺔ
ﺑﺎﻟﻴﻨﻲ ﺭﺑﻲ ﺑﻤْﺼﻴﺒﺔ
ﻧﻨﺸﺪ ﻋﻦ ﺣﺎﺟﺎﺕ ﻏﺮﻳﺒﺔ
ﻧﺴﻴﻮﻫﺎ ﻣﻦ ﻋﺎﻡ ﺍﻃﻨﺎﺵ
* * *
ﻧﺴﻴﻮﺍ ﻡ ﺍﻟﻤﺎﺿﻲ ﻣَﺪﻋﺎﻫﺎ
ﻋَﻘﻠﻲ ﻣَﻮ ﻣﺎﺑﻲ ﻳﻨﺴﺎﻫﺎ
ﻋﻘﻞ ﻋﺰﻭﺯ ﺑْﻼ ﺿﻨﺎﻫﺎ
ﻭﺣْﻠَﻮﺍ ﻓﻲ ﺗﺤﻘﻴﻖ ﺭْﺿﺎﻫﺎ
ﺗﺸَّﻬَّﻰ ﻓﻲ ﻓﺼﻞ ﺷﺘﺎﻫﺎ
ﻣﺎ ﻗﺎﻟﺖ ﺟﻴﺒﻮﺍ ﻟﻲ ﻣَﺸْﻤﺎﺵ
* * *
ﻗﺎﻟﺖ ﺟﻴﺒﻮﺍ ﻟﻲ ﺷَﻤّﺎﻣﺔ
ﺧﻄّﺮﻫﺎ ﻋﻘﻠﻲ ﻭﺍﻭﻫﺎﻣﻪ
ﻳﻨﺸﺪ ﻋﻦ ﻋﻔﺔ ﻭْﻛﺮﺍﻣﺔ
ﻣﺎ ﻋﺪ ﻓﻴﻪ ﺑْﻬﻦ ﺷِﻲ ﻧﺎﻣﺔ
ﺣﺘﻰ ﺍﻟﻠﻲ ﻧﺤﻜﻲ ﻗﺪﺍﻣﻪ
ﻳﻜﺮﻩ ﻣﻮﺿﻮﻋﻲ ﻭْﻛﻼﻣﻪ
ﻳﺼﻤﺖ ﺭﺍﻓﺾ ﻉ ﺍﻟﻨِّﻘﺎﺵ
* * *
ﺳﻠﻔﻮﺕ ﻭﻏَﺸّﺎﺵ ﻭْﺟﻴﻔﺔ
ﻧﺴَّﻤﻰَّ ﻳﺎ ﺳﻤْﺢ ﺍﻟﺼﻴﻔﺔ
ﻟﻴﺶ ﻧﻘﻮﻝ ﻧﺮﻳﺪ ﻋَﻔﻴﻔﺔ
ﺑﻨﺖ ﺍﺟﻮﺍﺩ ﺗﻜﻮﻥ ﺷﺮﻳﻔﺔ
ﻳﺒﻘَﻰ ﻳﻄّﺎﻓَﺮ ﻣﻦ ﻛﻴﻔﻪ
ﻧﺴﻜﺖ ﻣﺎ ﻧﺒﻰ ﺗﻘﻄﻴﻔﻪ
ﻛﻴﻒ ﻧْﺤﻖّ ﺍﻟﺮﺍﺟﻞ ﻫﺎﺵ
* * *
ﻧﺼﻤﺖ ﻟﻜﻦ ﻧﺎﺽ ﺗﻜَﻔّﻰ
ﻗﺎﻝ ﺍﻧﺖ ﺍﻟﻨﺎﺱ ﻣْﺨﺎﻟﻔّﺎ
ﻻﻱ ﻋﺎﺭ ﻭﻻﻱ ﻋﻴﺐ ﺍﻟﺨﻔّﺔ
ﻟﻨﺜﻰ ﻣﻮﻻﻱ ﺍﻣْﻀﻌّﻔّﺎ
ﻉَ ﺍﻟﺜﻮﺏ ﺍﻟﻤﻠﺒﻮﺱ ﻭﺻَﻔّﺎ
ﺗﻠﺒﺴّﺎ ﻛﻴﻒ ﺗْﻨﻀّـﻔّﺎ
ﻧﺎﺱ ﺗْﺒَﺮّﺭ ﻓﻲ ﻣﻮﻗﻔﺎ
ﻓﺘﻮَﻯ ﻣﻦ ﺭﺍﺳﻪ ﺗﻘَّﻔّﺎ
ﺩﺍﺭ ﺷﺮﻑ ﺑﻮﻫﺎ ﻭْﺷﺮَﻓّﺎ
ﻓﻲ ﺍﻟﺪﻳﻦ ﻳْﺴﺎﻭﻳﻪ ﻗْﻤﺎﺵ
* * *
ﻓﻲ ﺍﻟﺪﻳﻦ ﺗﺴﺎﻭﻳﻪ ﺷﻜﺎﻳﺮ
ﺟﻴﺖ ﻧْﻤﻮﺝ ﻭْﻓﻜﺮﻱ ﺣﺎﻳﺮ
ﻟﻠﺴّﺎﻋﺔ ﺣَﻘّﻴﺖ ﻣْﻮﺍﻳﺮ
ﺿﻌﻒ ﺍﻟﺪﻳﻦ ﻭﻫﺎ ﺍﻟﺒﺼﺎﻳﺮ
ﻭﺍﻟﻨّﺴﻮﺍﻥ ﺣَﻴﺎﻫﻦ ﻃﺎﻳﺮ
ﻗﺎﺱ ﺍﻟﺪﺑﺠﺎﻝ ﻳْﺠﻲ ﻏﺎﻳﺮ
ﻭَﻓّﻴﻨﺎ ﻗﺮﻥ ﺍﺭﺑﻌﺎﻃﺎﺵ
* * *
ﻭﻓﻴﻨﺎﻩ ﻭﻧﺎ ﺷﺎﻋﺮ ﺑﻪ
ﻳﻮﻡ ﻗﻴﺎﻡ ﺍﻟﺴﺎﻋﺔ ﻗﺮﺑﻪ
ﺟﻴﺶ ﻣﺠﻮﺝ ﻳْﺠﻲ ﻇﺎﻫﺮ ﺑﻪ
ﻟﻠﻤﺎﻟﺢ ﻣﺴْﺘﻮﺣﻲ ﺷﺮﺑﻪ
ﻭﺍﻟﺸﻤﺲ ﺗﻘﺎﺑﻞ ﻣﻦ ﻏَﺮﺑﺔ
ﻗﺎﺳﺖ ﻳﺎ ﻛﺎﺣﻞ ﻟﺮﻣﺎﺵ
* * *
ﻗﺎﺳﺖ ﻳﺎ ﺿﺎﻭﻱ ﺍﻟﺠﺒﻨﻮﻧﻲ
ﺭﻳﺖ ﻣﻮﺍﻳﺮﻫﺎ ﺑﻌﻴﻮﻧﻲ
ﻧﻨﺼﺢ ﻓﻲ ﺍﻟﻨﺎﺱ ﻭﻋﺎﺩﻭﻧﻲ
ﻛﺮﻫﻮﻧﻲ ﺑﻢ ﺍﻟﺠﺮﺍﺵ
* * *
ﻛﺮﻫﻮﻧﻲ ﺟﻤﻠﺔ ﺣﺒﺎﻧﻲ
ﻗﻮﻟﻲ ﻟﻠﻮﺍﻗﻊ ﺧﻼﻧﻲ
ﻣﻜﺮﻭﻩ ﺍﺻﺤﺎﺑﻲ ﻋﺪﻭﺍﻧﻲ
ﻭﻗﺘﺎً ﻳﺎ ﺑﻮ ﺩﻭﺭ ﻣﺜﺎﻧﻲ
ﻣﺘْﻤَﺘّﻊ ﻓﻴﻪ ﺍﻟﺒﻜّﺎﺵ
* * *
ﻓﻴﻪ ﺍﻟﺒﻜّﺎﺵ ﺑﺘﻌﻠﻴﺒﻪ
ﻣﺘْﺴَﻴﻄﺮ ﻳﺎ ﺷَﻮﻑ ﺍﻟﺪِّﻳﺒﺔ
ﻭﻗﺘﺎً ﻳﺎ ﺑﻮ ﻋﻴﻦ ﺭﻏﻴﺒﺔ
ﻻ ﺗﺴﺘﻐﺮﺏ ﻓﻴﻪ ﻏﺮﻳﺒﺔ
ﻭﻗﺘﺎً ﺷﻴﻦ ﻋﻠﻴﻪ ﺍﻟﺮﻳﺒﺔ
ﻭﻗﺘﺎً ﻗﺎﺑﻲ ﻓﻴﻪ ﺩﺑﻴﺒﻪ
ﻳﻠﺴﻊ ﺭﻳﺖ ﺍﻟﺒﻮﻛَﺸّﺎﺵ
* * *
ﻭﻗﺘﺎً ﺧﻼﻧﻲ ﻧﻈّﺮَّﻑ
ﻉَ ﺍﻟﻠﻲ ﺳﺎﻳﺮ ﻓﻴﻚ ﻧْﺨَﺮّﻑ
ﺣﺘﻰ ﺍﻟﺼﻮﺏ ﺍﻟﻴﻮﻡ ﺗﺤَﺮّﻑ
ﻣﺘﻐَﻴّﺮ ﻣﺎ ﻋﺎﺩ ﻳْﺸَﺮّﻑ
ﻧﺤﻜﻲ ﻟﻚ ﻣﻮﺿﻮﻉ ﻳْﻄَﺮّﻑ
ﻉ ﺍﻟﺼﻮﺏ ﺍﻟﻠﻲ ﺭﺍﺡ ﻃﺸﺎﺵ
* * *
ﻉ ﺍﻟﺼﻮﺏ ﺍﻟﻠﻲ ﺭﺍﺡ ﺿﺤﻴﺔ
ﻭﺩﻱ ﻧﺤﻜﻲ ﻟﻚ ﻳﺎ ﺑﻨﻴﺔ
ﻗﺼﺔ ﻭﺍﺣﺪ ﺩﺍﻳﺮ ﻏﻴﺔ
ﻏﺎﻟﻲ ﺟﺎﻝ ﻋﻠﻲ ﻏﺎﻟﻴﻪ
ﻳﺼﻠﻦ ﻗﺪﺍﻣﻪ ﻓﻲ ﺍﻟﺠﻴﺔ
ﺭﻳﺢ ﻭﻃﺮﻗﺎﻋﺔ ﻭﺭﺷﺎﺵ
* * *
ﺗﺴﺒﻖ ﻗﺪّﺍﻣﻪ ﻃﺮﻗﺎﻋﺔ
ﺻﻮﺕ ﺗْﻘﺮﺑﻴﻊ ﺍﻟﻘﺮﺑﺎﻋﺔ
ﺻﺒّﺎﻫﺎ ﺩﺍﺭﺕ ﺯﻋﺰﺍﻋﺔ
ﻭﺍﻟﺮﻣَّﺔ ﺑﺎﻟﻘﻤﺔ ﻧﺎﺵ
ﻭﺍﻟﺮﻣﺔ ﺑﺎﻟﻘﻤﺔ ﻧﺎﺵ
* * *
ﻭﺍﻟﺮﻣﺔ ﺭﻭَّﺡ ﺷﺎﻳﻠﻬﺎ
ﺧﺬﻫﺎ ﻗﺪﺍﻣﻪ ﺑﻌﺠﻠﻬﺎ
ﻋﺪﺓ ﻟﻠﺒﻨﺖ ﻭﻗﺎﺑﻠﻬﺎ
ﻣﻮ ﻋﺎﺭﻑ ﻛﻴﻒ ﻳﻤﺎﺳﻠﻬﺎ
ﻟﻮ ﻓﺎﻫﻢ ﻣﻀﻤﻮﻥ ﻋﻠﻠﻬﺎ
ﺳﻬﺮﺍﻳﺔ ﺻﻮﺏ ﻳﻘﻮﻝ ﻟﻬﺎ
ﺣﺠﺎﻭﺓ ﻛﺎﺵ ﻣﺴﻚ ﻛﺎﺵ
* * *
ﺣﺠﺎﻭﺓ ﻛﺎﺵ ﻣﺴﻚ ﻛﺎﺷﻲ
ﻳﺎ ﻣﻮﻝ ﺍﻟﻤﺸﻴﺔ ﺩﻭﺩﺍﺷﻲ
ﺩﻳﻤﺎ ﻟﻠﺠﺎﻱ ﻭﻟﻠﻤﺎﺷﻲ
ﺗﺴّﻬْﻮﻙ ﻛﻴﻒ ﺍﻟﺤﺸﺎﺵ
* * *
ﺗﺴّﻬْﻮﻙ ﻭﺍﻟﻠﻲ ﻳﺠﻲ ﻏﺎﻟﻲ
ﻭﺍﻟﻐﺎﻳﺐ ﻣﺎ ﺑﻴﻪ ﺳﻮﺍﻟﻲ
ﻭﺍﻟﺤﺎﺿﺮ ﻣﺎ ﻛﻴﻔﻪ ﻭﺍﻟﻲ
ﺗﺤﻠﻒ ﻟﻪ ﺑﺎﻟﻠﻪ ﺍﻟﻌﺎﻟﻲ
ﻭﺑﺮﻳﻜﺔ ﺳﻴﺪﻱ ﻛﺒﺎﺵ
ﺗﺤﻠﻒ ﻟﻪ ﻧﻴﻦ ﻳﻐﺎﺩﺭﻫﺎ
ﻏﻴﺔ ﻫﺎ ﺍﻟﺰﻣﺎﻥ ﺍﻛﺜﺮﻫﺎ
ﻣﺎ ﺑﻴﻦ ﺍﻧﺜﺎﻫﺎ ﻭﺫﻛﺮﻫﺎ
ﻣﺒﻨﻲ ﻣﺒﺪﺍﻫﺎ ﺑﻐﺒﺎﺵ
* * *
ﻓﻴﻬﺎ ﻡ ﺍﻟﻤﺒﺪﺍ ﺗﻐﺒﻴﺸﺔ
ﻭﺍﻧﺎ ﻳﺎ ﺳﻤﺢ ﺗﺪﻭﺩﻳﺸﻪ
ﻣﺎ ﻟﻲ ﻓﻲ ﻫﺎ ﺍﻟﻨﻮﻉ ﺣﺸﻴﺸﺔ
ﻻ ﻟﻌﺒﻲ ﻓﻴﻪ ﺗﺪﻭﻏﻴﺸﺔ
ﻻ ﻧﻠﻌﺐ ﻧﺎ ﻭﺍﻟﺪّﻭﻏﺎﺵ
* * *
ﻻ ﻧﻘﺒﻞ ﻭﺍﺣﺪ ﻣﺘﻬﻮﺭ
" ﻻ ﻳﻮﻡ ﻧْﺪﻭﻏﺶ ﻭﻧْﺰَﻭّﺭ
ﺭﻳﺖ ﻓﺴﺎﺩ ﺍﻟﺼﻮﺏ ﻣْﺠَﻮّﺭ
ﻟﻠﻴﺎﺱ ﺍﻟﻠﻲ ﻓِﻲّ ﻳْﺪَﻭّﺭ
ﻧﺎﺩﻡ ﺟﻴﺖ ﺑﻼ ﻛﻠﺒﺎﺵ
* * *
ﻧﺎﺩﻡ ﻣﻮ ﻣﻘﺒﻮﺽ ﻋَﻠَﻴّﺎ
ﺟﻴﺘﻪ ﻳﺎ ﺳﻮﺩ ﻣﻴﺎﻣﻴﻪ
ﺧﻼﻧﻲ ﻣﻦ ﻳﻮﻡ ﺍﻟﺠﻴﺔ
ﻣﺴﺠﻮﻥ ﺇﻳﻘﺎﻣﺔ ﺟﺒﺮﻳﺔ
ﻓﻲ ﺍﻟﺤﻮﺵ ﻭﻛﻠَّﻒ ﺟﻨﺪﻳﻪ
ﻣﺎﺳﻚ ﻉ ﺍﻟﺒﺎﺏ ﺑْﺮﺷّﺎﺵ
* * *
ﻣﺎﺳﻚ ﻉ ﺍﻟﺒﺎﺏ ﻣﻘﺎﺑﻠﻨﺎ
ﻧﻴﻦ ﺍﺳﻤﻌﻨﺎ ﺑﻚ ﻟﻚ ﺟﻠﻨﺎ
ﻧﺸﻜﻮ ﻣﻦ ﻳﺎﺱ ﻣْﺒَﻬْﺪﻟﻨﺎ
ﺣﺘﻰ ﺍﻟﺤﻴﻂ ﺑﻤﺎ ﺻﺎﺭ ﻟﻨﺎ
ﻟﻮ ﻧﺸﻜﻲ ﻟﻪ
ﻳﺒﻜﻲ ﻳﺎ ﻓﺎﻳﺰ ﻋﻦ ﺟﻴﻠﻪ
* * *
ﻣﺎ ﺍﻟﻴﺎﺳﺎﺕ ﻋﻠﻴﻚ ﻧﺰﻳﻠﺔ
ﻋﻴﻨﻲ ﻳﺎ ﺳﻤﺢ ﺗﺠﻠﻮﻳﻠﻪ

الرجوع الى أعلى الصفحة اذهب الى الأسفل
 
مجرودة ( ﻣﺮﺣﺐ ﻳﺎ ﺑﻮ ﻋﻴﻦ ﻓﻠﻴﺘﺔ )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بيت ساسى لتوثيق الشعرالشعبى :: 
منتديات الادب والشعرالشعبى
 :: ◄منتدى المجرودة والقذارة والترجز
-
انتقل الى: