منتديات بيت ساسى للشعر الشعبى



border=0

 
الرئيسيةس .و .جاعلانات وتبادل اعلانىالتسجيلدخول
الساعة الان
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أنت الزائر رقم
المواضيع الأخيرة
» غناوى عالبكاء
أمس في 11:53 pm من طرف Admin

» اليكم ادعية ان شاءالله تعجبكم
أمس في 9:44 pm من طرف Admin

» أربعة أشياء تساعد جسمك على اجتياز الشتاء بسلام!
الأحد 26 أكتوبر 2014, 2:20 am من طرف Admin

» كوب عصير طماطم يوميا يحميك من سرطان البروستاتا
الأحد 26 أكتوبر 2014, 1:38 am من طرف Admin

» يالله من نهر الشفاء اسقينا
السبت 25 أكتوبر 2014, 9:12 pm من طرف Admin

» قصيدة طق العود
السبت 25 أكتوبر 2014, 9:04 pm من طرف Admin

» 【«قصة وفاة اعظم رجل في التاريخ»】
السبت 25 أكتوبر 2014, 5:20 pm من طرف Admin

»  علاج السكري
السبت 25 أكتوبر 2014, 4:46 pm من طرف Admin

» جـــــــود يا صاحب الجــــود
السبت 25 أكتوبر 2014, 12:08 pm من طرف Admin

أفضل 10 أعضاء في هذا المنتدى
Admin
 
روزا
 
الهاوى
 
الصقر
 
ابوالقوافى
 
anas
 
فارس
 
البيضاء
 
آصال
 
غزال الريم
 
ادخل موقعنا على الفيسبوك
تبادل أعلانى
احداث منتدى مجاني


بحـث
 
 

نتائج البحث
 
Rechercher بحث متقدم
اعلام و عدد الزوار
free counters


أوقات الصــــــلاة اليومية



شاطر | 
 

 مقتطفات من صوب خليل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المديرالعام
المديرالعام


تاريخ التسجيل تاريخ التسجيل: 02/07/2008
علم الدولة علم الدولة: ليبيا
المدينة: بنغازى رباية الذايح
الجنس الجنس: ذكر
الهوايه: الشعر
الشكر 19

الاوسمة - 1





مُساهمةموضوع: مقتطفات من صوب خليل   السبت 23 يناير 2010, 2:55 pm

[center]مقتطفات من صوب خليل

غناوي عبدا لكافي البر عصي

دواي يا غني فيدك * لمراضي اللي لي جبتن

مع كل غفوة جاي * كديت يا غني نوم خاطري

لاهو طليق أسراح * عزيزلاهوفضي لاهوغني

كميت غيرعلمي ضاق * شلت عزايمي نارالغني

تميت من الغني للوقت * غربال فيدحر راغبة

غنايا اومرهونين * انضراهبال عيني اتريدهم

غناوي للمرحوم عبد الكافي الله يرحمة:

اللي غنوه ما نطريه * ونطارد فضي فيه الطمع

بيهم او خاطيهم * غوالي علي اديارهم

غنايا او مرهونين* انضر اهبال عيني اتريدهم

تحسابني الا بريان* يا صاحب الدواء غافل علي

لهيتني علي لاخرين* لولاك يا غني راني غني

عزيز جاب فيدا نار* ويقول اقبسوا جايبلكم

عزيز يا البكايات* اتريدن اوما داريبكن

عزيز عوزوني فيه* دمايا او حتى العاقله

عزيز عوزوني فيه* م البخت ناس مني ونا الهم

عزيز يا العين انسيه* جميل م البكا ما تقبلي

عزيز يا العين انسيه* منك جميل وردودا علي

من اروع الحوارات بين عبد الكافى والبزارى وعمرالعوامى

البزارى-

للعقل مابعدها هول-ان كان صارلا ياس الفضى

عبد الكافى-

الفاضى وقسما لاط -عدا احساب من عيت الغنى

عمر العوامى.

لو كان لجل فيده متت..عزيز فيه خرازات يقتلن

عبدالكافي -

انموت من اعيون عزيز..لو كان ما ايامي يعاركن

البزاري -

تسبيب ما نعاني فية..هوالع معاكيس هدبهن

القديم :

سليمان الشريمه

ظلمت خاطرى اوخلاص_تبديلت القديمن واعره

عبد الله عبد الواحد

حكولى ابها مابيت_تبديلت القديمين بالجدد

عبد الكافى

ماتقول ناسيا وقت *هفوها قديمين عاودت

أشبوب لارعدلاريح * تهدل هذيل عيني عالقدم

قديم ياالعين احذاك * اوبعيد ننظروا فيه مبعدا

ارقدن حاملات بلاه * خطرقديم وعاهن بكن

رضاهن جديد اركحن * علي قديم ماعاد ينشدن

أتعلق في جديد ايام * وتعاودا تهاتي بالقدم

نحساب الجدي دلهاك * بندرقديم حيتي ترددي

أمسمى بسمك يا القديم * العقل اللي ما فيه خصيم

مادار بيش يهون * قديم نين ينساه خاطري

خذا قديم مني عقل * نجري ورآه ديما يريدني

من قبل في القدم رينيه * أسعدك باللي لتريدي جدد

العقل مالكه القديم * إن ياخذاسنين اوماخلي

حتى والرجاء مقطوع * لليوم يا قدم شاغليني

نومي ابنار جديد * وانقول القديمين وينهم

مكبورة جديد اعلقت * تقاوت مع نار القدم



الشتاوة:

يا القديم انسيتك راني ** صاحب صوب جديد لواني

يا القديم ايش امعقبلى ** غير اوهام عجاج وقبلى

عقلى شور قديم سبقنى**متسعجل ويقول الحقنى

يالقديم اغير ايمتا ** تبرم على العين تسكتا

يالقديم اصحك تنسانا **حاصل بين ايديك غلانا

وين انقول اجديد انجرب ** تخطر يا قديم اتخرب

ايمتى يا القديم اترد ** اللي متشمت مالاحد

امقلل يا القديم هناي ** اتجيني وين انكر اغطاي

قديم بعد نجبد طاريه ** ايقولن فيه اوفيه اوفيه

قديم ان قلتلهن مازال ** ايقولن قال اوقال اوقال

القينا نا والعين اعزوم ** هضكي يوم وهذا يوم

عالقديـــــــم و نـــــــــــــاره * * * وعلي عمر عدا في رجاه اخسارة

مرهون حر في رايه وفي اللي داره * * * ونا حر فيك وما انريد انضـلك

سبحتي امعـاه خـذاك في تــــياره * * * يضـمك امــعاه و في خـفا يفتــلك

نيـن وقعك وقتـــا عدل منــــظاره * * * و نـاض ايتمسح ما برم في ظلــك

لاعـــاد تمشي في جلاوي داره * * * ستين الف مرة قبلها قـــــايلك

مجموعة شتاوي:-

يا خراب غلاي انعنك * * مرزي كيف رزيتي منك

الحق علينا موش عليك * * بسياتك ونجازو بيك

عقلى شور الغالى تكا * * ماحصلتا نين انفكا

حتحات العقل اللى باقى * * يمشى وين عزيز ايلاقى

ماظنى ياعقلى تنجى * * فيك الغالى ياما قنجى


حوار بين الشاعر والدار

الشاعر:
اتجيبى خبر يادار *** على هلك والا انخبرك

الدار :

انجيب الخبر كيف ايش *** ونا فى مكانى نابته

الشاعر:

بريانه عليهم لرض *** لهم زمان موتى كلهم

الشاعر:

لوكان يا أوهام الدار *** يمحاكن الله نين ينتسوا

مرجانا الهم ما جاب***وغفره ما علي دار نقعدوا

لمواهيم لمواهيم***نرقد انوض عيني أتقولي

تحسابني الابريان***يا صاحب الغلاء غافل علي

أجبرك نوم جوك منام***فزيتي أقدرتي ع البكا

غنايا اومرهونين***انظر اهبال عيني اتريدهم

جفاني احصل في ناس***عزيز ع الخبر قالوا اندم


انخاف في جديد انعلق***يفضولي قديمين ننقهر

خطاه جابلي لمراض***ويريدني عزيز انسامحه

قلتي جديد دير ودرت***بعتيني بكيتي ع الق

دوي يا غني فيدك *** لمراضي اللي لي جبتن


مع كل غفوة جاب *** كدين يا غني نوم خاطري

لا طليق أسراح *** عزيزلاهوفضي لاهوغني

غنايا اومرهونين***انظر اهبال عيني اتريدهم


أتهد يا عزيز العمر*** تظليمت امواهيمك علي

بيهم أو خاطيهم***غوالي علي أديارهم

أوطان دون عيت عزيز*** أطوال كي مسادي بيتم

امغير دار بينا وقت*** مجروح من عزيز أو جارحه

قطاعت أعروق غلاي*** كبير ذنبهم يا ويلهم

عزيز وين ما نبيه*** ايطفي النار أيزيدها

مسروق سهو نين إعزاز*** اكبروا نار جت جاردة علي

لاعرفت نشقى بيك***ولا أقدرت ننساك ياغني

تحرم قولتي غياب*** لوكان غير جوني خترفة

جهد اليأس مني خير*** شوري اعزاز كريت كرهم

سعدي عارف اللي فيه*** بكيت ع الغلاء يوم دورته

من قبل في القدم رينيه*** سعدك يالي تريدي أجدد

عرفت ما ورآها خير*** كثر عزيز ترجيبه علي

ع العهد يا غني مازلت*** والمارة أني ماني غني

ايجيبن عزيز أقسام*** ويباعدن اقدارة يقدرن

امغير في المنام خطوه*** خلوه نين يوعى وخطروا

متقاسمين نا وعزيز*** لموشة غلاء بيناتنا

الشامت اوقظ بالجرح * من طولت المدواه في خفا

النار راغبه فى العقل***هى اتريده ومانريدها الها

اذهبو شيرتى لولاف*** انجيب عقل نلقاه عندهم

,واسلمتوا الى لقاء جديد
[/center]






الرجوع الى أعلى الصفحة اذهب الى الأسفل
http://montada-sassi.montadarabi.com
الصقر
مشرف منتدى الشعرالشعبى
مشرف منتدى الشعرالشعبى


تاريخ التسجيل تاريخ التسجيل: 22/12/2009
علم الدولة علم الدولة: ليبيا
المدينة: ليبيا
الجنس الجنس: ذكر
الهوايه: كرة القدم
الشكر 5

الاوسمة - 1




مُساهمةموضوع: رد: مقتطفات من صوب خليل   الأحد 07 فبراير 2010, 9:57 pm

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
بنت البادية
عضو ذهبى
عضو ذهبى


تاريخ التسجيل تاريخ التسجيل: 18/12/2008
علم الدولة علم الدولة: فاضى
المدينة: ليبيا
الجنس الجنس: انثى
الهوايه: السفر والمطالعة
الشكر 1


مُساهمةموضوع: رد: مقتطفات من صوب خليل   الإثنين 22 مارس 2010, 1:03 am

• ليام ما عليهن غيض يبنن عويل ويواطن علم

بشهودي وحقي ضاع ...اعجزت في غلا صاحبه نكر
• لو كان ما خلق شي دمع ..... بعد عزيز راك ايش دايرة

لوكان البكا منعوه .. أنغدو وين من ضيق علمنا

الناهي انهل معي ... القي وجيعتي ماي ساهلة

الخاطم بكاك اشغله ... انهال مارجا نين ينشدك
• نقي يا عيني عالغايب .. نومكـ ماو طايب ماو طايب
• ننساه موش ماننساه ... عزيز غير تبِّيلي وما
• نار قديم اللي طالتها .. طارت يا عين أبجلدتها
• انجبي كل مكان عليه ** يقولو كان عزيز يجيه .
• خطاهم نين وطيتي فيه ... ونا نتقي فيك عليه
• ان عشنا وابقينا حيين ... انديروا للصوب قوانين

امفيت من اخشوم المزن ... الانظار يا علم ما يشربن
• غلاى وين دار امزان.طرقاعت خطا فيه شوكعت
• اول العمر راح ارياح...تلافوا عقابه ياقدم
• بكيت ما بكو لبكاى ... ميت ضمير لولاف قيسهم
• شكولى ونا مجروح ... يشفى الله جرحى وجرحكم
الغيرى قديم الصوب ...لقسام دودشنا دودشا
اخطيتا سطير الجرح ... او ما جيت يا مداوي ع الوجع
جروحه عزيز كبار ... مكتوبلى نعانى كيدهن
جروحى صارلهن تهليع ...اشاظن ماينفع ترقيع
• بريانات اجروح وليفى ...والا يكمى فيهن كيفى
مازال جديد امدوخنا ...مجروحين وزاد جرحنا
اللى موش اموالف تجريح ...ان طال عليه الليل ايطيح
الجرح امجور يا البعيد ... مع كل امداوات يزيد
عقلى من جوا يداقل ... ياسيه ياجرحه ناقل
كنك يا جرحى تساطر ... قيس اللى فى عقلى خاطر
لجروحي ويش ينسيني ... يخطر وين تغفى عيني
جرح قديم حسبته بارى ...حكيته جى دما جارى
• هوّاي خاطري بطلان ...رقد احذاه نوما ً طيبا

هوايك رقد يالاك.... ابطل بطال ياعين سيبك

هويك يا عينى غفا.... قيس اللوعة ما يعرفه
• محجوزات مطارح غالى ما يقدر يقربهن والى
الرجوع الى أعلى الصفحة اذهب الى الأسفل
بنت البادية
عضو ذهبى
عضو ذهبى


تاريخ التسجيل تاريخ التسجيل: 18/12/2008
علم الدولة علم الدولة: فاضى
المدينة: ليبيا
الجنس الجنس: انثى
الهوايه: السفر والمطالعة
الشكر 1


مُساهمةموضوع: رد: مقتطفات من صوب خليل   الإثنين 22 مارس 2010, 1:06 am

تحيات لكل اعضاء المنتدى والمدير العام
الرجوع الى أعلى الصفحة اذهب الى الأسفل
بنت البادية
عضو ذهبى
عضو ذهبى


تاريخ التسجيل تاريخ التسجيل: 18/12/2008
علم الدولة علم الدولة: فاضى
المدينة: ليبيا
الجنس الجنس: انثى
الهوايه: السفر والمطالعة
الشكر 1


مُساهمةموضوع: رد: مقتطفات من صوب خليل   الإثنين 22 مارس 2010, 1:09 am

• الغافل يقول عليش والقايس بكا عارف السبب
• يالولاف انياكم شينة ديمة والا غير علينا
• العمر ويش فاضل فيه ونخاف من رجيتى مطوله
• خايف ياعمر تعديبى وانا مسع فض سر يبي
• جدى الريم اليوم فطمته للعين السودة سلمته
• العين افتكت مالياسات توارت فى وسط الصابات
• دز قديم يريد الرده مايحساب زمانه عده
• دز قديم يريد العودة قلنناله مرحب بالجودة
• مفيت وانت شايل صوت حلال عالمواهيم ماتجى
• مليان غيض ناويا ك ومحلا ماعلى دارهم اتجى
• غلاء بارمبى هل اليومين خلب من كبدى مخلب زين
• درت غلاء مرة ويحيده مازلت نعانى فى كيدة
• تهنو ياحساد على اقدم مو ساير منهم شى
• رمت لولاف ونا باير جتنى بالموثق تطاير
• رمت لولاف اتقيها جت تومى والموثق فيها
• رمت لولاف المدقوقة جاتك بالموثق مطلوقة
• نعرف وين ندق الرمة بانى بيت وبه نسمى
• درت غلاء فى عمرى لول والانى لكن ماطول
• درت غلاء مازال معقب جمرة فالمكنون اتثقب
الرجوع الى أعلى الصفحة اذهب الى الأسفل
بنت البادية
عضو ذهبى
عضو ذهبى


تاريخ التسجيل تاريخ التسجيل: 18/12/2008
علم الدولة علم الدولة: فاضى
المدينة: ليبيا
الجنس الجنس: انثى
الهوايه: السفر والمطالعة
الشكر 1


مُساهمةموضوع: رد: مقتطفات من صوب خليل   الإثنين 22 مارس 2010, 1:11 am

• الغافل يقول عليش والقايس بكا عارف السبب
• يالولاف انياكم شينة ديمة والا غير علينا
• العمر ويش فاضل فيه ونخاف من رجيتى مطوله
• خايف ياعمر تعديبى وانا مسع فض سر يبي
• • 888888888888888888888888
• دز قديم يريد الرده مايحساب زمانه عده
• دز قديم يريد العودة قلنناله مرحب بالجودة
• مفيت وانت شايل صوت حلال عالمواهيم ماتجى
• مليان غيض ناويا ك ومحلا ماعلى دارهم اتجى
• غلاء بارمبى هل اليومين خلب من كبدى مخلب زين
• درت غلاء مرة ويحيده مازلت نعانى فى كيدة
• تهنو ياحساد على اقدم مو ساير منهم شى
• رمت لولاف ونا باير جتنى بالموثق تطاير
• رمت لولاف اتقيها جت تومى والموثق فيها
• رمت لولاف المدقوقة جاتك بالموثق مطلوقة
• نعرف وين ندق الرمة بانى بيت وبه نسمى
• درت غلاء فى عمرى لول والانى لكن ماطول
• درت غلاء مازال معقب جمرة فالمكنون اتثقب
الرجوع الى أعلى الصفحة اذهب الى الأسفل
Admin
المديرالعام
المديرالعام


تاريخ التسجيل تاريخ التسجيل: 02/07/2008
علم الدولة علم الدولة: ليبيا
المدينة: بنغازى رباية الذايح
الجنس الجنس: ذكر
الهوايه: الشعر
الشكر 19

الاوسمة - 1





مُساهمةموضوع: رد: مقتطفات من صوب خليل   الإثنين 22 مارس 2010, 4:02 am

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]







[ندعوك للتسجيل في المنتدى أو التعريف بنفسك لمعاينة هذه الصورة]






الرجوع الى أعلى الصفحة اذهب الى الأسفل
http://montada-sassi.montadarabi.com
 

مقتطفات من صوب خليل

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بيت ساسى للشعر الشعبى ::  :: -