منتديات بيت ساسى للشعر الشعبى




جميـل ان تزور منتدانا بأبتسامة والأجمل منه ان تغادره وأنت مسرور



 
الرئيسيةالبوابةس .و .جاعلانات وتبادل اعلانىالتسجيلدخول
الساعة الان
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أنت الزائر رقم
المواضيع الأخيرة
» صور غريبة
أمس في 5:07 pm من طرف anas

» ياعيون الغزال
أمس في 4:20 pm من طرف anas

» ايام الطفوله
أمس في 4:17 pm من طرف anas

» لغز فى غناوة
الإثنين 14 أبريل 2014, 4:19 pm من طرف anas

» نظيفا والبستي مِ لعال
الأحد 13 أبريل 2014, 11:38 pm من طرف Admin

» معلومات مخيفة لكنها في غاية الروعة
الجمعة 11 أبريل 2014, 2:01 am من طرف Admin

» رجل هندي في الثلاثينات من عمره يدمن على تناول الطين والحجارة
الجمعة 11 أبريل 2014, 1:54 am من طرف Admin

» بيوت الله فى اجمل صورها من جميع الدول
الجمعة 11 أبريل 2014, 1:38 am من طرف Admin

» التمسك بسنة النبي صلى الله عليه وسلم
الجمعة 11 أبريل 2014, 12:42 am من طرف Admin

أفضل 10 أعضاء في هذا المنتدى
Admin
 
روزا
 
الهاوى
 
الصقر
 
ابوالقوافى
 
anas
 
فارس
 
البيضاء
 
آصال
 
غزال الريم
 
ادخل موقعنا على الفيسبوك
تبادل أعلانى
احداث منتدى مجاني
بحـث
 
 

نتائج البحث
 
Rechercher بحث متقدم
free counters


شاطر | 
 

 اللى عنده غناوة علم او شتاوة ايشارك معانا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آصال
شخصية هامة
شخصية هامة


تاريخ التسجيل تاريخ التسجيل: 22/04/2009

مُساهمةموضوع: رد: اللى عنده غناوة علم او شتاوة ايشارك معانا   السبت 25 أبريل 2009, 6:35 am

غناوة الكتربيل /ماصارت أمفيت أمعاي / مرسالي أطمع في جارحي
شتي عليها أحميده عيسي
هد أهدودك يامرسالي/تاريتك طامع فالغالي
أن جبت علم من لولاف/ نا يارسيل ياما أنديرلك
يامرسال أخلطني بيهم/ ميت موت أرياف عليهم
شماتة أقلال العرف / علي خطاك جوني إيساولو
يوم خطاك عليا ألتمت/لكن فيه اللي مشمت
شمات في أغطا ساوال/جايين ياخطا فارحيين بك
يوم خطاكم هلي جاني/مشمت وأخرى عزاني
من خوف الشماته قلت/خطاك نا اللي فيه السبب
نرمو فيه خطاك علينا/من خوف التشمية فينا
وأسلمتو
الرجوع الى أعلى الصفحة اذهب الى الأسفل
Admin
المديرالعام
المديرالعام


تاريخ التسجيل تاريخ التسجيل: 02/07/2008
علم الدولة علم الدولة: ليبيا
المدينة: بنغازى رباية الذايح
الجنس الجنس: ذكر
الهوايه: الشعر
الشكر 19

الاوسمة - 1






مُساهمةموضوع: رد: اللى عنده غناوة علم او شتاوة ايشارك معانا   السبت 25 أبريل 2009, 6:59 pm


منورة يا آصال
[ندعوك للتسجيل في المنتدى أو التعريف بنفسك لمعاينة هذه الصورة]



اليوم انقل لكم اماسكه (عالعساف) بين الشاعرو الغناي محمد البزاري والغناي ابراهيم بوعزيزة
اول مابدى ابراهيم قال

ادموعك الليل طويل** ينصف عليك توا تسكتي
......ابراهيم بوعزيزة
كمين ليل عانيناه** طويل ناوعيني بالبكا
........محمد البزاري
انكان تجبري فالليل ** وري عساف ياعين ايسمى
.....ابراهيم بوعزيزة
لناس ما اتوري فيه ** بكاية علي حالاته
......محمد البزاري
جبنا سريب حرتي فيه** رايناهن ادموعك نزحن
..... ابراهيم بوعزيزة
يبقى الوقت موكي قبل**انتي انكان ياعين تنزحي
..... محمد البزاري
بلا زورقة لعساف**انكنك صحيح مليانة ابكا
.... ابراهيم بوعزيزة
ادموعها علي لولاف** بلا عسف بكاية ابهن
.... محمد البزاري
عساف موش لومة عسف ** اعللي فيه راكي ذاهبة
.... ابراهيم بوعزيزة
ايعاطن معاني جبر** هذين فرق مافيه بينهن
......محمد البزاري
ايحرم ياعزيز الصوب ** انكان العسافة جبته
....... ابراهيم بوعزيزة
نطرو عزيز جينا هنا** ماجينا انعيبو في عرب
.....محمد البزاري
طريتلك عسافة صوب** الله علم ماعيب قلتلك
.... ابراهيم بوعزيزة
مااهناك ما اندوخو فيه ** لصواب كلهن قارينهن
..... محمد البزاري
عسيفة الصوب امنين** كذا انكنت قاريه قولي
......ابراهيم بوعزيزة
العسف يالعين الجبر ** في مامضى ماقلتلك
..... محمد البزاري
الجبر ماعسافة صوب** اذهبت ماعليها جيتني
..... ابراهيم بوعزيزة
العين ماغشيمة صوب** اتجيهن ادروبه عارفة

.....محمد البزاري
عسافة انريدو غير ** فالصوب ماتهمناك بالغشم
....بابراهيم بوعزيزة
راه العسيف خويل ** عليه غير ياعين انشدي
...... محمد البزاري
الا هذا فيه احتار ** العقل ياعسافة عارفك
......ابراهيم بوعزيزة
الواهم ايوهم فيك ** انتي موش ياعين واهمة
.... محمد البزاري
ياواهمة تعالي جاي ** من قبل قالها لي عاقلة
.... ابراهيم بوعزيزة






الرجوع الى أعلى الصفحة اذهب الى الأسفل
http://montada-sassi.montadarabi.com
آصال
شخصية هامة
شخصية هامة


تاريخ التسجيل تاريخ التسجيل: 22/04/2009
علم الدولة علم الدولة: ليبيا
المدينة: حب ليبيا فقلوبنا مختوم*وهو حبها لول الحب العذري
الجنس الجنس: انثى
الهوايه: أمسبق م/ قبل أسماي*رسمت أبيوت للعالي رقت
الشكر 42

رسائل
الاوسمة - 1


مُساهمةموضوع: رد: اللى عنده غناوة علم او شتاوة ايشارك معانا   الأحد 26 أبريل 2009, 3:32 am

((النور بيك وأصلك أمحييك سيادة المدير))
مشاركتي هذه باغاني وشتاوات أصدقاء الكتربيل التي قيلت أثناء غيبوبته
الشريمه:
ندعوله إيجي بريان/وإيعود كي ماكان بينا
السعيطي:
بعد أغياب صاحب عقل/ أكثر ثمايري راحن علي
اللي ضناه يرجو فيه/ أبري أمرضه ياخالق الدوا
ياريت العزيز إيجيب/ العلم م اللي فيه إيساولو
لعبيدي:
غايب ع الميعاد قريني/ كان بكيت أحذاك أعفيني
جدي البطوم:
سيد الصوب اليوم أمطوح/غير نفس يمشي وإيروح
اللي كان إيطرب فالعين/قعد مابين السنادين
الصوب أفواهق بانن فيه/ بعد غيبة بو سن عليه
وشتاوة قالها عبدالكافي
حس رحيل أولافي حسه/تربان أتكلم في نصه
سؤال أتمني الأجابه عليه
مامعني كلمة (تربان) في هذه الشتاوة
ومامعني هذه الكلمات ((عسف_عساف_عسيف_عسيفه))
وأسلمتو
الرجوع الى أعلى الصفحة اذهب الى الأسفل
Admin
المديرالعام
المديرالعام


تاريخ التسجيل تاريخ التسجيل: 02/07/2008
علم الدولة علم الدولة: ليبيا
المدينة: بنغازى رباية الذايح
الجنس الجنس: ذكر
الهوايه: الشعر
الشكر 19

الاوسمة - 1






مُساهمةموضوع: رد: اللى عنده غناوة علم او شتاوة ايشارك معانا   الأحد 26 أبريل 2009, 4:16 am

[ندعوك للتسجيل في المنتدى أو التعريف بنفسك لمعاينة هذه الصورة]


يااخت آصال بارك الله فيك على هذه الغناوى والشتاوات الرائعة
التى قيلت على الغناى المبدع عبدالكافى البرعصى الله يرحمه

حس رحيل أولافي حسه/تربان أتكلم في نصه
سؤال أتمني الأجابه عليه
معني كلمة (تربان) في هذه الشتاوة

هو اللغم المدفون فى الارض بعيد عنك واثناء المرور عليه ينفجر

ثانيا

معنى كلمة (عسف) الفعل الذى ارغمت عليه لسبب من الاسباب

وان كلن تسمعى ايقولو بعض الناس والله افلان لام عليا لومة عسف

اعتقد واضح للبقية

والله اعلم







الرجوع الى أعلى الصفحة اذهب الى الأسفل
http://montada-sassi.montadarabi.com
آصال
شخصية هامة
شخصية هامة


تاريخ التسجيل تاريخ التسجيل: 22/04/2009
علم الدولة علم الدولة: ليبيا
المدينة: حب ليبيا فقلوبنا مختوم*وهو حبها لول الحب العذري
الجنس الجنس: انثى
الهوايه: أمسبق م/ قبل أسماي*رسمت أبيوت للعالي رقت
الشكر 42

رسائل
الاوسمة - 1


مُساهمةموضوع: رد: اللى عنده غناوة علم او شتاوة ايشارك معانا   الأحد 26 أبريل 2009, 5:36 am

واضح _بارك الله فيك‏_‏تسلم يا أخ أدمين

عيني من فرقا القديم_ أتهايي وأتوهم توهيم

أمرار أمبارح ما أنسيناه_ اللي موش أبكاه أمهاياه
الرجوع الى أعلى الصفحة اذهب الى الأسفل
Admin
المديرالعام
المديرالعام


تاريخ التسجيل تاريخ التسجيل: 02/07/2008
علم الدولة علم الدولة: ليبيا
المدينة: بنغازى رباية الذايح
الجنس الجنس: ذكر
الهوايه: الشعر
الشكر 19

الاوسمة - 1






مُساهمةموضوع: رد: اللى عنده غناوة علم او شتاوة ايشارك معانا   الإثنين 27 أبريل 2009, 3:29 pm


شكرا اختى آصالة على الردود

واليك بعض الغناوى على القديم

العقل مالكه القديم*** عقار ماعطا غيره لحد
العقل مالكه القديم *** مكان لجدد ما عاد عندنا
دنالها القديم أقرمي *** النار وين قلنا همدت
سيات القديم أحجاب *** العقل ما أبري نين شالهن
عالدار و عالقديم اونا*** أجرك كبير ياباكيلنا
نطريك ياقديم انخاف *** يملص العقل ياما ايجبلي
احصل العقل عندا قديم*** واحصل قديم فيدين غيرنا
امفيت يا قديم معاك *** ما عاد أنظاري نشـيلهن
مسكون م الغلا القديم *** نبرى بعلم ونحوس م الجفا
فى اخناقى العين امسكت *** تقوللى قديمين وينهم
انسوقر دنا القديم *** الله الله لولا عازتي






الرجوع الى أعلى الصفحة اذهب الى الأسفل
http://montada-sassi.montadarabi.com
آصال
شخصية هامة
شخصية هامة


تاريخ التسجيل تاريخ التسجيل: 22/04/2009
علم الدولة علم الدولة: ليبيا
المدينة: حب ليبيا فقلوبنا مختوم*وهو حبها لول الحب العذري
الجنس الجنس: انثى
الهوايه: أمسبق م/ قبل أسماي*رسمت أبيوت للعالي رقت
الشكر 42

رسائل
الاوسمة - 1


مُساهمةموضوع: رد: اللى عنده غناوة علم او شتاوة ايشارك معانا   الإثنين 27 أبريل 2009, 7:48 pm

عفوا"_ كنت تكتب آصال وهذا الصح ليش فالمشاركة هذي كتبت أصالة_
عموما حصل خير وأليك هذه الغناوي
**القديم**
أنتاجر براس المال**نزلت بيك ياصوب لقدم
كذاب من يقول الجرح**بعد قديم داويته أبري
كفارة أضياع قديم** صيام دهر مايوم تفطره
جضيت ياقديم معاك** تكميدك علي قيس الوجع
مرات يالعين أنغفل** الله الله فالبكا ع القدم
أنكانك أتريدي لأجر** أطري قديم وأبكيلي أشوي
أنتي عليك خوذي نوع** وتخطيرة قديمينك علي
تخطيري للقدم ياعين** تهوين ماو غلا في بكيتك
تلتامي عليه الدمع**كان مامشى شور لقدم
دموع في خزينك ريت** كبيهن علي وع القدم
أنهالن عليش أسكوت** قديم ع الخبر راهنينا
حتي لو بكيتي بيش** قديم نا ما أنريد نخلقه
نذاره علي النهاي** دموع لقدم ظالماتني
ع الناهي اللي يالاي**بكيت درت روحي منطرش
أن هفت عليها أتحوس**سهراية القديمين فاقده
العقل ماعليها زاد**سهراية القديمين ساده
تستاهل أبكا طول العمر** سهراية غلاكم يا أقدم
ليلي أبكا وأسمور**أزعما يا أقدم كيف حالتي
عليك عزم عندي عزم**وعليك ظلم لولاف ظلمهم
أمفات جرح ومواهيم**في خلفن غيات لقدم
الله الله لو مو حلم**مسمح قديم للعين جيته
خذو غفوتك لقدم** معا الليل حوسي بالغطا
وين مايجي ع الهدب** الهدب ياقديمين تخطرو
عليك حلم جاب قديم** تفسيره أنموت أن وماقسم
تفسيره بقطع أقسام ** منامي اللي جابلي أقدم
ألقيت ياقديم بعدك** هواي غير ليدين يفرقن
بلا قديم ياهواي** النوم لو أتزازيبه مايجي
العقل والزها والنوم** قرعة قديم والنار قرعتي
ماو غير يالعين العقل**غيبة قديمين ياما غيبت
تهايا قديم وطرت** أطمعت فيك يانوم حوتني
نتاوب أنريد النوم** خطر قديم مابيت نتكي
إغفيتي قديم خطر** عليك حيه ياقليلة الهنا
قديم يا الليل أخطاه** واللي أتجيبها لي جيبها
العقل واخذه القديم**ميراث ماعطي والي أذرع
أن متت يدفنوني فيك** وصيتي لهلي يادار لقدم
أتقول عايبات أعياب**إيميحن علي دار لقدم
يلويني أرياف أنجيك**وأندير نهار يادار لقدم
نمشيلك أنجي بريان**دواي فيك يادار لقدم
خذيتها لدار قديم** العين م لبكا نين همدت
يحكيبكم ونا نهاي**أوحلت فيه عقلي يا أقدم
العقل واخذه قديم**رهينة بين إيجي بين ما إيجي
حتي والرجا مقطوع** لليوم يا أقدم شاغليني
ملك قديم غوط العقل** مغير مازرع فيه طيبه
جميل بيش بيه إيغلا** قديم ما قطع فظهورنا
طرواكم إيحيد أزعلي** ألكم جميل ياعيت لقدم
عجاج وظلام أقرنن** غطن أديار عيت لقدم
تعقيد والجدايل فتل** العين في قديمين حاصله
بعروقه لوا ع الكبد**غلا قديم تنتيشه أصعب
أصحاب الغلا القديم** رقو غراضنا وين صادفو
جينا أصداف أقدم** شردن لا بكن لا دنقرن
بعد أخلاف صار أصداف** قديم حسيت فعيونه ندم
نسرق أنضري شور قديم** نلقي أنضره شوري سارقه
سرق أنضره جا فأنضري** داواني قديم وضرني
رميت عالقديم رميت**أنكانهي سفاهة درتها
يلقاني القديم وراه**لوكان غير مرة يلتفت
وراي نلتفت مازلت** هيالي أقدم لاحقيني
ننساهم أقدم م البال**حتي
وراي ماعاد نلتفت
أنصوقر دنا القديم**الله الله لولا عازتي
ماي ساهله أني نجفاه** قديم لجل عشرة بينا
كيف عمرنا اللي فات** نبو عمر نبكو ع القدم
عمرين وأخرى عمر**مايكفن أبكانا ع القدم
خليت ياقديم العقل ** مريض عمر لامات لا أبري
متقاوي أمعاي أمرضي**وأخطور القديمين زادني
قليل خير يالقديم** أمرضي طال مابيت نشغلك
مافرزت غير قديم**كثرن أوجوه ساوالتي علي
قديم وين جا سوال** إيده طلقتها ماحوتني
لاتخاف نا يالاك** قديم وين جظيت قالي
ونختم
مدرجينه للقبر** ومازال نبض في عرق لقدم
أمسكها يالقديم علي** غلاك نموت وعرقه حي

*القديم*الجديد*
متماسكين نا والعين**جديد أنقول وتقول لقدم
مكر في قديم وكيد** درته جديد يالاه جاوره
كذا قولي ياعقل** جديد إيجي كيف لقدم
رميت يالجديد عليك** أمغير مكر في عيت لقدم
مادام الجديد أحداي**يربح قديم ماعاد أمدوره
مامن جديد جا للعين** لطاته علي شان لقدم
قديم ماعلينا فيه** أرفع إيديك ياياس ع الجدد
العقل مالكه جديد** ردم قديم في سابع وطا
جديد ماملالي عين** تبكي أتقول يانا يا أقدم
خلوهم إيموتو غيظ**أداويت بالجديد قولو للقدم
مكسور خاطري من قبل** أمشو عليه بشواش يا أجدد
أمعاك يالجديد الصوب** أنسيت قديمين وجرحهم
يردح جديد بين وبين** ردي أردود ياعين ع القدم
م الغيبه أحدا الجديد**نسرق أنضري تميت للقدم
جديد دارلك ياعين** وسواس غير ديما لاقطك
مابا إيجي جديد** للعين إينسيها أقدم
أنخاف كي أندير جديد**يعلم قديم ياعين توجعه
ما أنريد جديد أبعده** علي قديم كبدي ذايبه
العقل دار صوب جديد** مجبور مو كريهة فالقدم
العقل ياقديم أمعاك** جابه جديد مابيت نوالفه
بعد قديم مانحساب** نلقي جديد يستاهل غلا
مصيون ياقديم غلاك** فالقلب ماجديد إيزاحمه
غلا جديد جي للقديم** محاه لين تأثيره أغبي
حتي والجديد أطعمه**يحكي العقل مازال ع القدم
كويت ياقديم عليك** أحصل دواي في إيدين الجدد
حلال يالجديد عليك** عقلي أن جبته م القدم
عماهن غلا القديم** جديد بيش ننضره قولي
شقيت معا جديد وصار**وعالقدم نويت توبتي
العقل واخذه القديم** ملاج ياجديدين مالكم
مستاسع ملاج العقل** إيشيل القديمين والجدد
أتسمعر بحطب لضلوع** نار قديم فاحت عالجدد
مكبورة الجديد أعلقت** تلاقت معا نار لقدم
يالجديد وين أتريد** منشابك معا نار لقدم
أنزازي بدا القديم**وطامر دواهي م الجدد
قديم وجديد أخلطت** أوحلت في موازاة الغلا
الكبد في رحى حطيت** يسحن قديم وإيهاجو إجدد
نلوي بعبرتي مازلت** لاني جديد لاجيت م لقدم
لاقديم قسمي جاب** لا جديد عيني دورت
تارك مداعي الصوب** لانريد قديمين لا أجدد
أنخاف كي أندير جديد** إيدير في مادار لولي
كان لولي داويت** نحلف جديد ماعاد ننجرح

وبرضو أنأكد ونختم
كل جديد ليه شرهات**
عليك بالمهل يالولي

**وأسلمتو**
الرجوع الى أعلى الصفحة اذهب الى الأسفل
Admin
المديرالعام
المديرالعام


تاريخ التسجيل تاريخ التسجيل: 02/07/2008
علم الدولة علم الدولة: ليبيا
المدينة: بنغازى رباية الذايح
الجنس الجنس: ذكر
الهوايه: الشعر
الشكر 19

الاوسمة - 1






مُساهمةموضوع: رد: اللى عنده غناوة علم او شتاوة ايشارك معانا   الثلاثاء 28 أبريل 2009, 1:30 am

[ندعوك للتسجيل في المنتدى أو التعريف بنفسك لمعاينة هذه الصورة]



عموما انا اسف اذا كتبت اسمك خطا

واصالة من اصالة المعدن والاصل


منورة يا آصال على هذه المجموعة الرائعة
من الغناوى عن القديم والجديد



وانا بدورى انقل لك هذه المجموعة

تراكح شبوب الياس *** كمل عليك يا نار القدم
نسريله ونا ممطور *** شكيع برق في غيم القدم
العين رايده الجديد *** امغير مكر فى عيت القدم
كان كل يوم اندير جديد *** كيف الأقدام ما اجو
أيام الغلا القديم *** ما عاد يا مراهين يقدعن
امتى عمرنا ياعين *** خفينا وماجونا اقدم
تعقيد وجديل وفتل *** العين في قديمين حاصله
ورا قديم ضاع اضياع *** العمر ياللي في تنشدوا
نردم النار نين اتغبا *** يخطر قديم يسفاها علي
النوم والهنا والعزم *** عزيز ما مشا نين شالهن
عليك حلم بيه احلمت *** ايقول حلم دنواهم اقدم
عليك حلم جاب قديم *** تفسيره انموت وما اقسم
ايا العين ما امغير العقل *** غيبت قديم ياما غيبت
عماني غلا القديم *** جديد بيش عيني تنظره
اتحوس في مكان الشيل *** واتقول وين عدو بالقدم
قديم كي نويت جديد *** عيط وراي ممشاي قصره
يسارب قريب ايضيع *** العمر بين لوهام والقدم
قديم قال ما انخطاك *** انجاك نوم راني جايك
احصل العقل عند قديم *** واحصل قديم في دين غيرنا
قديم يا النوم اقسمك *** شواك وانت من غادي اشوي
الكبد في رحا حطيت *** يطحن جديد وهاجوه القدم
علي صوب ناس اجداد***ندرا العقل ويجيب القدم
حتى والجديد احذاي *** خربت وين هفولي اقدم
حتى والجديد اطعمه *** يحكي العقل ما زال ع القدم
العقل شاغله ما زال *** سريب صوب ديوان القدم
بكت عليه قبل ايصير *** خطا قديم عيني واحيا
خايف اندير جديــــد *** يفضالي قديم وننقهر
ملذوع من قديم انخاف *** انغالي جديد منا نلتذع
ايجيب ما ايجيب القسم *** واخذ اقدم ما ايجيب كيفهم
ا لغيرى قديم الصوب *** لقسام دودشنه دودشه
اوهام اوقديم اوفقد *** يسكت عليش عقلي مالقى
حالف ماندير جديد *** علي قديم كبدى ذايبه .

جديد قبل فيه علــــقت *** قاتل أوصاف م القدم ..
نسرق انظري شور قديم *** نلقا انظره شوري سارقه






الرجوع الى أعلى الصفحة اذهب الى الأسفل
http://montada-sassi.montadarabi.com
آصال
شخصية هامة
شخصية هامة


تاريخ التسجيل تاريخ التسجيل: 22/04/2009
علم الدولة علم الدولة: ليبيا
المدينة: حب ليبيا فقلوبنا مختوم*وهو حبها لول الحب العذري
الجنس الجنس: انثى
الهوايه: أمسبق م/ قبل أسماي*رسمت أبيوت للعالي رقت
الشكر 42

رسائل
الاوسمة - 1


مُساهمةموضوع: رد: اللى عنده غناوة علم او شتاوة ايشارك معانا   السبت 02 مايو 2009, 10:45 am

الله إيسلمك

*ونورنا عبارة عن أشعة ممتدة من شمس تألقلكم*

وخوذ هذين

غناوة وبنتها عالقديم والجديد
*مريوحة أوهام قديم** أنسرح العين وأتعاود أخر
مريوحة في دار أقدم**أنسرحها أتعاود تبرم
*عياط في فريق العقل**يومي بنار لولاف لقدم
يالقديم أمسمر ليلي**ديما عياطك يوميلي
*أماثق قديم العوج* متشوكلات فيا داقهن
فيه أرمام إيش أنديرلهن*عوجات قديم أمشوكلهن
*مكر في قديم وكيد**درت صوب يالاه جاوره
أقدم نمكر فيهم وأنكيد**أحداهم داير صوب جديد
*فرضت يالقديم خطاك**عليا بعد واجد غلا
خطاك فرضته يالقديم**علي ونا فيه أمظيليم
*تحسابي الوقت نساك**بندر قديم جيتي تردحي
قديم ومن بالي ناسيته**غير بعد بندرلي جيته
*أقدم بندرو للعقل**معاهم بلاجاوي مدح
بعد دق قديم بناديرا**جيته ناسي قلة خيرا
*الماشي أنوصي فيه**والجاي ننشد فيه ع القدم
أقدم خلوني يامطراي**أنوصي فالماشي والجاي
*خصيم دارني الجديد**تحلف عليه وصوه لقدم
جديد إيوصي فيه قديم**يقسم في كبدي تقسيم
*كذا قوليلي ياعين**جديديك إيجي كيف لقدم
أقطع راياتي نا والعين **جديد إيجي كيف قديمين

***شتاوات***

أجري جاي أجري يالقديم** علي نيرانك حط رديم
أجري جاي أجري يالجديد*كان مكان قديم أتريد
غلا لافي ع العين جديد*غلا يردع لول ويزيد
قديم حفرلي حفرة سو*أوقضتلها وأداعى هو
يالقديم وماتعلمها*نارك صوب جديد ردمها
قديم أنشوشوله مازال*أمغير أوحلنا فالعقال
كنك يالقديم معانا*خلينا نشقو بغلانا
يالقديم ألقينا غيرك *كان أتفارق كثر خيرك
تباعد يالجديد بعيد*أقدم قدامك وين أتريد
يالجديد أصحاب عقيده*غير قديم جفانا بيده
عندي يالجديد قديم*علي مدعاه أنريد أنصيم
‏*‏****
لين أنحني خصلة شيبي** مازال المرهون طليبي
صغير عويلي يبدا جد**وأنا ع المرهون أنعد


[b][center]واصل ع المرهون :shock:
الرجوع الى أعلى الصفحة اذهب الى الأسفل
 

اللى عنده غناوة علم او شتاوة ايشارك معانا

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» غناوة للشاعر عقيله فرج
» من عنده حساب في metin2

صلاحيات هذا المنتدى:لاتستطيع الرد على المواضيع في هذا المنتدى
منتديات بيت ساسى للشعر الشعبى :: 
منتديات الادب والشعرالشعبى
 :: ◄منتدى غناوة العلم والشتاوة
-